________________
॥ चिलिमिलिपगयं ॥ [सुत्तं] कप्पइ निग्गंथाण वा निग्गंथीण वा चेलचिलिमिलियं धारित्तए वा परिहरित्तए वा ॥१-१८॥
सूत्राभिसम्बन्धे इयं गाथा - सागारिपच्चयट्ठा, जह घडिमत्तो तहा चिलिमिली वि । रत्तिं व हेट्ठऽणंतर, इमा उ जयणा उभयकाले ॥२३७१॥
"सागारिप०" गाहा । सागारियपच्चयनिमित्तं घडिमत्तओ, एवं चिलिमिणी वि । 'रत्तिं व हेऽणंतर' त्ति । चिलिमिणि सुत्तस्स, जो हेट्रो तस्स अणंतरसुत्ते रत्तिं जयणा भणिया, इमा रत्तिं पि दिवसओ वि । एस बिइओ संबंधो ।
धारणया उ अभोगो, परिहरणा तस्स होइ परिभोगो ।
चेलं तु पहाणयरं, तो गहणं तस्स नऽन्नासिं ॥२३७२॥ "धारणया उ०" सूत्रार्थगाहा । कण्ठ्या । चेलमिति वस्त्रं । भेदो य परूवणया, दुविहपमाणं च चिलिमिलीणं तु । उवभोगो उ दुपक्खे, अगणहऽधरणे य लहु दोसा ॥२३७३॥ "भेदो य परूवणया०" दारगाहा । तत्थ भेदो -
सुत्तमई रज्जुमई, वागमई दंड-कडगमयई य । पंचविह चिलिमिली पुण, उवग्गहकरी भवे गच्छे ॥२३७४॥
"सुत्तमती०" गाहा । इदाणि परूवणया-'सुत्तमइ' त्ति सुत्तमओ दोरो । रज्जुमइ त्ति मुंज-कलिंचादिमयो दोरो सुत्तमई रज्जुमई एक्का चेव एसा दार 'चिलिमिणि' त्ति भणियं होइ। पोत्तमई चिलिमिणी। असईए कडभूरुक्खो तस्स वक्कला । दंड त्ति दंडगो, कडए त्ति कडओ।
इदाणिं पमाणं । तं दुविहं-पमाणपमाणं च गणणपमाणं च । तत्थ गाहा - हत्थपणगं तु दीहा, तिहत्थ रुंदोन्निया असइ खोमा ।
एतप्पमाण गणणेक्कमेक्क गच्छं व जा वेढे ॥२३७५॥ ["हत्थपणगं तु"] पमाणपमाणं-पंच हत्थ दीग्घा, वेउत्तं पुण तिन्नि हत्था । एसा
