________________
भासगाहा-२१४९-२१६३] पढमो उद्देसो
२०९ कामं अखीणवेदाण होइ उदओ जहा वदह तुब्भे । तं पुण जिणामु उदयं, भावणतवनाणवावारा ॥२१५८॥ "कामं अखीणवेदा०" गाहा । कण्ठ्या। जहा - उप्पत्तिकारणाणं, सब्भावम्मि वि जहा कसायाणं । न हु निग्गहो न सेओ, एमेव इमं पि पासामो ॥२१५९॥
"उप्पत्तिकारणाणं०" गाहा । उप्पत्तिकारणाणं जहा णिग्गहो कज्जमाणो सेओ । उप्पत्तिकारण त्ति । चउहि कारणेहिं कोहुप्पत्ती सिया खेत्तादि । एवं जइ निग्गहो कज्जइ को दोसो ? आयरियो भणइ -
पहरणजाणसमग्गो, सावरणो वि हु छलिज्जई जोहो । वालेण य न छलिज्जइ, ओसहहत्थो वि किं गाहो ? ॥२१६०॥
"पहरणजाण०" गाहा । पयत्तं पि करेमाणो छलिज्जइ । वालेण य किं न छलिज्जइ ?' छलिज्जड़ चेव । उप्पन्ने रुंभिउं समत्थो हं दोसं । सो य पभ ण = असमत्थ इत्यर्थः। कहं ? 'पुरिसो व घरं पलिवेंतो' ? अस्य विभाषा -
उदगघडे वि करगए, किमोगमादीवितं न उज्जलइ ।
अइइद्धो वि न सक्कइ, विनिव्ववेउं कुडजलेणं ॥२१६१॥
"उदयघडे०" गाहा । जहा–एगो पुरिसो पढमपाउसे घरच्छायत्तेण उवरि पलिवेउकामो अन्नेण भण्णइ-मा एत्तियाई तणाइं देहि, मा सव्वं दज्झिहि त्ति । सो भणइ-अहं कुडहत्थगओ चेव अच्छामि । समंतओ पलिवियं । पवणसमुदीरिएण य हुयवहेण तरडंतस्स दटुं । जहा उदयकुडेण वि हत्थगएणं पयत्तं पि करेमाणस्स दज्झइ । ओकं-गृहमित्यर्थः । एवं तुमं पि वेदे उदिण्णे नाण-दंसण-चरित्ताणि डज्झमाणाणि [ण] समत्थो विज्झवेउं ।
रीढासंपत्ती वि हु, न खमा संदेहियम्मि अत्थम्मि । नायकए पुण अत्थे, जा वि विवत्ती स निद्दोसा ॥२१६२॥ "रीढासंपत्ती वि हु०" गाहा । कण्ठ्या । चोयगो भणइ - दूरेण संजईओ, अस्संजइआहि उवहिमाहारो । जइ मेलणाएँ दोसो, तम्हा रन्नम्मि वसियव्वं ॥२१६३॥
१. खेत्तं पडुच्च, वत्थु पडुच्च, सरीरं पडुच्च, उवहिं पडुच्च (स्थानाऊँ - ४-१-१४९)।
