________________
२१० विसेसचुण्णि
[वगडापगयं "दूरेण०" गाहा । संजईओ दूरे वसंति, सक्का ताओ परिहरिउं। असंजईओ न सक्का परिहरिउं । जम्हा तासिं आयत्तो उवही आहारो य । सेसं कण्ठ्यम् । आयरिओ आह -
रणम्मि वि तिरिक्खीतो, परिन्न दोसा असंतती यावि । लब्भीय कूलवालो, गुणमगुणं किं व सगडाली ॥२१६४॥ कस्सइ विवित्तवासे, विराहणा दुन्नए अभेदो वा । जह सगडालि मणो वा, तह बिइओ किं न रंभिंसु ? ॥२१६५॥
"रण्णम्मि०" ["कस्सइ०"] गाहा । तत्थ किं सक्का भत्तं पच्चक्खिउं ? असत्ततियाए य बंभचेरं विज्जमाणं न बहुप्फलं भवइ । अडवीए वि वसंतो कूयवारओ चिट्ठीओ, सगडालि थूलभद्दो सो जणमझे गणियाभोइयाघरे वसंतो सगुणो जाओ। विभासा ।
होज्ज न वा वि पभुत्तं, दोसाययणेसु वट्टमाणस्स ।
चूयफलदोसदरिसी, चूयच्छायं पि वज्जेइ ॥२१६६॥
"होज्ज ण वा वि०" गाहा । दोषा नामायतनस्थानं दोषायतनं । प्रभुत्वमिति सामर्थ्य, तेन कारणेन न चूतफलदोषदर्शीभूतो अंबगो ।
एगो रायपुत्तो अंबगप्पिओ । अइखइएहिं से वाही उट्ठिओ । सो दि(वि)ज्जेहिं जप्पो कओ। तस्स अंबगा पडिसिद्धा । सो अन्नया नासीरा गओ संतो अंबगच्छायाए विस्समइ । पडिसिझंतो तओ णं फलं गहियं, पडिसिज्झंतेणं भणियं-मए न खाइयव्वं को दोसो गहिएणं ? तेण पसंगदोसेण खइयं विनट्ठो य । बिइओ पसत्थो । उवणयविभासा ।
इत्थीणं परिवाडी, कायव्वा होइ आणुपुव्वीए । परिवाडीए गमणं, दोसा य सपक्खमुप्पन्ना ॥२१६७॥ [नि०] "इत्थीणं परिवाडी०" गाहा । अस्य विभाषा - एगखुरदुखुरगंडीसणप्फइत्थीसु चेव परिवाडी । बद्धाण चरंतीणं, जत्थ भवे वग्गवग्गेसु ॥२१६८॥ तत्थऽन्नतमो मुक्को, सजाइमेव परिधावई पुरिसो । पासगए वि विवक्खे, चरइ सपक्खं अवेक्खंतो ॥२१६९॥ "एगखुर०" ["तत्थऽन्नतमो०"] गाहाद्वयं कण्ठ्यम् । बद्धाणं वा मुक्काणं वा
१. रन्ने मुच । २. पारद्धि मलवृ ।
