________________
२०८
[वगडापगयं
विसेसचुण्णि भावम्मि होइ वेदो, इत्तो तिविहो नपुंसगादीओ। जइ तासि तयं अत्थी, किं पुण तासिं तयं नत्थी ? ॥२१४९॥ उदयं पत्तो वेदो, भावग्गी होइ तदुवओगेणं । भावो चरित्तमादी, तं डहई तेण भावग्गी ॥२१५०॥ जह वा सहीणरयणे, भवणे कासइ पमायदप्पेणं । डझंति समादित्ते, अणिच्छमाणस्स वि वसूणि ॥२१५१॥ इय संदसणसंभासणेहिँ संदीविओ मयणवण्ही । बंभादीगुणरयणे, डहइ अणिच्छस्स वि पमाया ॥२१५२॥ सुक्खिधणवाउबलाऽभिदीवितो दिप्यतेऽहियं वण्ही । दिट्ठिधणरागानिलसमीरितो ईय भावग्गी ॥२१५३॥
"भावम्मि होइ वेदो०" ["उदयं पत्तो०" "जह वा" "इयं संदंसण" "सुक्खिधन०"] पंच गाहाओ कण्ठाओ । चोयको भणति -
लुक्खमरसुण्हमनिकामभोइणं देहभूसविरयाणं । सज्झायपेहमादिसु, वावारेसुं कओ मोहो ? ॥२१५४॥ "लुक्खमरसुण्ह" गाहा । कण्ठ्या । आयरिओ - नियणाइलुणणमद्दण, वावारे बहुविहे दिया काउं ।
सुक्ख सुढिया वि रत्तिं, किसीवला किं न मोहंति ? ॥२१५५॥ "नियणाइ०" गाहा । कण्ठ्या । णिद्दिणेत्यादि । जइ ताव तेसि मोहो, उप्पज्जइ पेसणेहिँ सहियाणं ।
अव्वावारसुहीणं, न भविस्सइ किह णु विरयाणं ? ॥२१५६॥ "जइ ताव०" गाहा । कण्ठ्या । कोई तत्थ भणिज्जा, उप्पन्ने रुभिउं समत्थो त्ति ।
सो उ पभू न वि होई, पुरिसो व घरं पलीवंतो ॥२१५७॥ [नि० ] "कोई तत्थ०" गाहा । कण्ठ्या । आह चोयकः -
