________________
भासगाहा-२०९८-२११२] पढमो उद्देसो
२०१ सुत्तं-से गामंसि वा जाव रायहाणिसि वा सपरिक्खेवंसि सबाहिरियंसि कप्पइ निग्गथीणं हेमंतगिम्हासु चत्तारि मासा वत्थए-अंतो दो मासे, बाहिं दो मासे । अंतो वसमाणीणं अंतो भिक्खायरिया, बाहिं वसमाणीणं बाहिं भिक्खायरिया ॥१-९॥
एसेव कमो नियमा, सपरिक्खेवे सबाहिरीयम्मि । नवरं पुण नाणत्तं, अंतो बाहिं चउम्मासा ॥२१०६॥ चउण्हं उवरि वसंती, पायच्छित्तं च होंति दोसा य । नाणत्तं असईए उ, अंतो वसही बहिं चरड् ॥२१०७॥
"एसेव कमो०" ["चउण्हं०"] गाहाद्वयं कण्ठ्यम् । 'अंतो वसही बहिं चरइ' अस्य विभाषा -
जोग्गवसहीइ असई, तत्थेव ठिया चरिंति बाहिं तु । पुव्वगहिए विगिचिय, तत्तो च्चिय मत्तगादी वि ॥२१०८॥
"जोग्ग वसहीइ०" गाहा । कण्ठ्या । 'तत्तो च्चिय मत्तगाइ वित्ति मत्तगाई वि बाहिरियाओ आणेति । चोयगो भणति -
गच्छे जिणकप्पम्मि य, दोण्ह वि कयरो भवे महिड्डीओ। निप्फायगनिप्फन्ना, दोन्नि वि होंती महिड्डिया ॥२१०९॥[नि०] "गच्छे जिण" गाहा । आयरिओ भणइ-दो वि महिड्डिया । कहं ? दसणनाणचरित्ते, जम्हा गच्छम्मि होइ परिवुड्डी । एएण कारणेणं, गच्छो उ भवे महिड्डीओ ॥२११०॥ पुरतो व मग्गतो वा, जम्हा कत्तो वि नत्थि पडिबंधो। एएण कारणेणं, जिणकप्पीओ महिड्डीओ ॥२१११॥
"दंसण" ["पुरतो व०"] गाहा । गच्छवासी जम्हा निप्फादया सव्वेसि, एएण गच्छवासी महिड्डीया । जम्हा णिप्फन्नया तेणं जिणकप्पिया महिड्डीया । दृष्टान्तो -
दीवा अन्नो दीवो, पइप्पई सो य दिप्पड़ तहेव । सीसो च्चिय सिक्खंतो, आयरियो होइ नऽन्नत्तो ॥२११२॥ "दीवा अन्नो दीवो०" गाहा । जहा दो वि तल्ला प्रकाशत्वेन । एवं दो वि महिडीया।
