________________
२०२
विसेसचुण्णि
[मासकप्पपगयं किं चान्यत् -
दिटुंतों गुहासीहे, दोन्नि य महिला पया य अपया य। गावीण दोन्नि वग्गा, सावेक्खो चेव निरवेक्खो ॥२११३॥ सीहं पालेइ गुहा, अविहाडं तेण सा महिड्डीया। तस्स पुण जोव्वणम्मि, पओअणं किं गिरिगुहाए ॥२११४॥
"दिटुंतों गुहासीहे." ["सीहं पालेइ०"] गाहा । जाव सीहो खुड्डलओ ताव गुहा पालेइ । एएण कारणेणं गुहा महिड्डीया । जहा सीहो जोव्वणपत्तो भवइ तदा तस्स न किंचि कज्जं गुहाए । एवं सीहो गुहाओ महिडीओ । अयमत्थोवनयो -
दव्वावइमाईसुं, कुसीलसंसग्गिअन्नउत्थीहिं । रक्खइ गणीपुरोगो, गच्छो अविकोवियं धम्मे ॥२११५॥
"दव्वावइ०" गाहा । कण्ठ्या । "रक्खइ गणी" पच्छद्धं । गच्छस्स गणी पागडित्तणं करेइ । सो गणिपुरोगो गच्छइ । तं अविकोवियं धम्मे रक्खइ । एयं गुहावत् गच्छो महिड्डीओ । कृतकृत्यस्तु जिणकप्पिओ महिड्डीओ । इमो महिलाए दिटुंतो-एगस्स दो महिलाओ कोडुंबियस्स । एगा सपया । एगा अप्पया । इमा सपया -
आणाइस्सरियसुहं, एगा अणुभवइ जइ वि बहुतत्ती । देहस्स य संठप्पं, भोगसुहं चेव कालम्मि ॥२११६॥ "आणाइस्सरिय०" गाहा । कण्ठ्या । इमा अपया -
परवावारविमुक्का, सरीरसक्कारतप्परा निच्चं । मंडणए वक्खित्ता, भत्तं पि न चेयई अपया ॥२११७॥ "परवावारविमुक्का०" गाहा । कण्ठ्या । इमो अत्थोवणयो - वेयावच्चे चोयणवारणवावारणासु य बहुसु । एमादीवक्खेवा, सययं झाणं न गच्छम्मि ॥२११८॥
"वेयावच्चे०" गाहा । कण्ठ्या । एवं विभासा-एगा परपालणयाए, एगा भोगनिमित्तं । इमो गोवग्गदिटुंतो -
