________________
१८०
विसेसचुण्णि
[मासकप्पपगयं
इदाणिं चालण त्ति दारं । तत्थ गाहा - विज्जस्स व दव्वस्स व, अट्ठा इच्छंत होइ उक्खेवो । पंथो य पुव्वदिट्ठो, आरक्खिओं पुव्वभणिओ उ ॥१९७३॥ [नि०]
"वेज्जस्स व०" गाहा । वेज्जो वा तत्थ णत्थि, असमत्थो वा । ओसह- भत्तादि वा नत्थि । अस्य विभाषा -
चतुपाया तेगिच्छा, इह विज्जा नत्थि न वि य दव्वाइं।
अमुगत्थ अत्थि दोण्णि वि, जइ इच्छसि तत्थ वच्चामो ॥१९७४॥ "चतुपाया तेगिच्छा०" गाहा । कण्ठ्या । ताहे सो गिलाणे आह - किं काहिइ मे विज्जो, भत्ताइ अकारयं इहं मज्झं ।। तुब्भे वि किलेसेमि य, अमुगत्थ महं हरह खिप्पं ॥१९७५॥
"किं काहिइ मे वेज्जो०" गाहा । कण्ठ्या । एवं इच्छंते होइ उक्खेवो । जइ तेसिं एए उच्चालओ । सो पुणो इमेहिं कारणेहिं एए उच्चालओ।
साणुप्पगभिक्खट्ठा, खीणे दुद्धाइयाण वा अट्ठा । अभितरेतरा पुण, गोरससिंभुदयपित्तट्ठा ॥१९७६॥ परिहीणं तं दव्वं, चमढिज्जंतं तु अन्नमन्नेहिं ।
कालाइक्कंतेण य, वाही परिवड्डिओ तस्स ॥१९७७॥
"साणुप्पग०" ["परिहीणं तं०"] गाहा । कण्ठ्या । ताहे पंथो पुव्वदिट्ठो कीरइ । जहा रत्तिं न सुझंति । आरक्खिओ पुव्वं दटुं भणइ-अम्हे पए चलीहामो । तो सण्णं पडिछेज्जाहि । इमं अन्नपरिवाडीए गाहाद्वयम् । “परिहीणं तं दव्वं०" चालणा गया ।
इदाणिं संकामणा ।
उक्खिप्पऊ गिलाणो, अन्नं गामं वयं तु नेहामो । नेऊण अन्नगाम, सव्वपयत्तेण कायव्वं ॥१९७८॥ "उक्खिप्पओ गिलाणो०" गाहा । नवरं अंतरा णिज्जंते इमं -
सो निज्जई गिलाणो, अंतरसम्मेलणा य संछोभो । नेऊण अन्नगामं, सव्वपयत्तेण कायव्वं ॥१९७९॥
