________________
भासगाहा-१९६३-१९७२] पढमो उद्देसो
१७९ कवड्डुगमादी तंबे, रुप्पे पीते तहेव केवडीए । हिंडण अणुसट्ठादी, पूइयलिंगे तिविह भेदो ॥१९६७॥
"कवड्डगमादी०" गाहा । कवड्डगाई मग्गिऊणं दिज्जंति, हिंडिऊणं अणुसट्ठादीहिं वा मग्गिऊणं दिति तिविहभेएणं-सलिंगेणं, अन्नलिंगेणं, गिहत्थलिंगेणं । एत्थ जं जुज्जियं तेण मग्गिऊणं दिज्जंति ।
वत्थव्व पउण जायण, धम्मादाणं पुणो अणिच्छंते । स च्चेव होइ जयणा, रहिए पासायमाईया ॥१९६८॥
"वत्थव्व पउण०" गाहा । कण्ठ्या । 'रहिए'त्ति पच्छाकडादीणं दाणभाव असईए । आगंतुग वत्थव्वाणं मग्गंताण इमो विही -
बिइयपदे कालगए, देसुट्ठाणे व बोहिगाईसु ।
असिवादि असईइ व, ववहारऽपमाण अदसाई ॥१९६९॥ बिइयपदे कालगए, देसुटाणे व बोहियादीसु ।
असिवादी असईइव, ववहार हिरण्णगा समणा ॥१९७०॥
"बिइयपदे०" गाहा । कण्ठ्या । कल्लाणे त्ति दारं । "बिइयपए कालगए०" गाहा। वेज्जो कालगओ गिलाणो वा । देसो वा उट्टिओ बोहियभएण, बोहिया मेच्छा, असिवं वा जायं । आदिग्गहणेण दुभिक्खं रायदुटुं वा अलब्भमाणे ववहारं करेंति । अहिरण्णगा मो किं देमो? मग्गंतेहिं वि न लद्धं । वत्थाणि जइ मग्गइ ववहारे तो अदसाणि देइ पमाणहीणाणि वा। णेच्छंते तत्थ वत्तव्वं-अम्हं एरिसाणि समेहीणाणि, अण्णाणि न लद्धाणि ।
पउणम्मि य पच्छित्तं, दिज्जइ कल्लाणगं दुवेण्हं पि ।
वूढे पायच्छित्ते, पविसंती मंडलिं दो वि ॥१९७१॥ "पउणम्मि य पच्छित्तं०" गाहा । कण्ठ्या ।
अणुयत्तणा उ एसा, दव्वे विज्जे य वन्निया दुविहा । इत्तो चालणदारं, वुच्छं संकामणं चुभओ ॥१९७२॥
"अणुयत्तणा०" गाहा । गिलाणस्स पडियरयस्स य पंचकल्लाणगं दिज्जइ । वूढे पंचकल्लाणए मंडलिं पविसंति । जेहिं वेयावच्चं कयं तेसिं पादेसु पडिउं 'इच्छामो वेयावच्चं' भणइ । अणुयत्तण त्ति दारं गयं ।
