________________
१७८ विसेसचुण्णि
[मासकप्पपगयं को वोच्छिति गेलण्णे, दुविहं अणुयत्तणं निरवसेसं । जह जायति सो निरुओ, तह कुज्जा एस संखेवो ॥ [ नि०चू० ३०६५ ] एसेव गिलाणम्मि वि, गमो उखलु होइ मज्जणाईओ। सविसेसो कायव्वो, लिंगविवेगेण परिहीणो ॥१९६३॥ को वोच्छिइ गेलन्ने, दुविहं अणुयत्तणं निरवसेसं । जह जायइ सो निरुओ, तह कुज्जा एस संखेवो ॥१९६४॥ "एसेव गमो नियमा०" ["को वोच्छिड्०"] गाहाद्वयं । कण्ठ्यम् ।
इदाणि 'पुव्वगय असइ दाणे' त्ति दारं । जेहिं पच्छाकडादीहिं पुव्वं पइ दिणियं अम्हे दाहामो वेज्जदक्खिणं । तेसिं असईए
आगंतु पउण जायण, धम्मावण तत्थ कइयदिटुंतो । पासादे कूवादी, वत्थुक्कुरुडे तहा ओही ॥१९६५॥
"आगंतु पउण जायण" गाहा । आगंतुगवेज्जो पउणे आउरो दक्खिणं जायइ । ताहे तस्स दिटुंतो कीरइ । जहा–केणइ काइएणं गंधियावणादीसु केवडिया छूढा । सो गंधियावणे छुब्भित्ता तम्मि आवणे मज्जं मग्गइ । सो न लब्भइ मज्जं । भणति-मम गंधापण्णं एए गेण्ह। एवं अम्ह वि धम्मावणा तो धम्मं गेण्ह । अणिच्छंते ठवण त्ति दारं ।
अस्यार्थ:-जं कस्सइ सेहस्स पव्वयंतस्स सेहस्स हत्थे हिरण्णादिभूतं, तं परिट्ठवितं निउंजे तं आणेउं दिज्जइ । असईओ विण्णाणी दसपुव्वी वा पुच्छितुं पासायादीसु जं पहीणसामियं हिरण्णादि तं दिज्जइ । एयं आगंतुगवेज्जस्स भणियं ।
इदाणि वत्थव्ववेज्जस्स मग्गंतस्स दाणं । तत्थ गाहा -
उवहिम्मि पडगसाडग, संवरणं वा वि अत्थुरणगं वा । __दुगभेदादाहिंडणऽणुसट्ठि परलिंग हंसाई ॥१९६६॥१
"उवहिम्मि पडग०" गाहा । पडगं साडगं, संवरणं सुंदरं पाउरणं, अत्थुरणं पत्थरणं वा मग्गंते तहेव धम्मावणदिटुंतो । अणिच्छे मग्गित्ता दिज्जंति । 'दुग भेदाति' संघाडएणं मग्गिज्जइ, अलंभे वंदेणं, अलंभे अन्नेसिं अणुसटुिं दाउं मग्गिज्जति । अलंभे परलिंगेण वा गिहत्थलिंगेण वा हंसादिविभासा । बिइयपदे ण देज्जाहि । तत्थ गाहा -
१. मुच पुस्तके भाष्यगाथानां क्रमो भिन्नोऽस्ति ।
