________________
भासगाहा-१९५२-१९६२] पढमो उद्देसो
१७७ हत्थद्धमत्त दारुग, निच्छल्लिय अघुणिया अहाकडगा।
असईइ सयंकरणं, अघट्टणोवक्खडमहाउं ॥१९५७॥
"हत्थद्धमत्त०" गाहा । अर्द्धहस्तमात्रदीर्घा दारुका पिछल्लिया । एए अहाकडया । असईए अहाकडयाणं सयं करेइ । 'अघट्टण'त्ति जयणाए अवसंतु अच्चि उवक्खडिए ताव न घट्टेइ जाव सयमेव विज्झातो । ताहे ते अहाउयं पालेंति पाणगं । इमं संसट्टमसंसट्टे फासुयमफासुए जयणा । अस्य विभाषा -
कंजियचाउलउदए, उसिणे संसट्टमेतरे चेव । ण्हाणपियणाइपाणग, पादासि वार दद्दरए ॥१९५८॥
"कंजिय चाउल०" गाहासिद्धं । जइ पात्रे ठविययं णेच्छइ ताहे वारए दद्दरए, जत्थ भुंजइ।
चड्डग सराव कंसिय, तंबक रयए सुवण्ण मणिसेले । भोत्तुं स एव धोवइ, अणिच्छि किढि खुड्ड वसभा वा ॥१९५९॥१
"चड्डय सराव०" गाहा । पुव्वं चड्डए भुंजउ । जइ नेच्छइ सरावे, अणिच्छे कंसभायणे, अणिच्छे तंबभायणे । एवं सेसा वि । जइ जिमिओ अप्पणा धुवइ तो सुंदरं । अह नेच्छइ ताहे सेज्जायरादीणं दुवक्खरियादी सोयाविज्जंति । असइ खुड्डगा । खुड्डगा असईए वसभा लिंगविवेगेणं । आह - के विवेगेणं? आह - किं निमित्तेणं एवडो आयरो कीरइ? उच्यते -
पूयाईणि वि मग्गइ, जह विज्जो आउरस्स भोगट्ठी।। तह विज्जे पडिकम्म, करिति वसभा वि मुक्खट्ठा ॥१९६०॥ तेइच्छियस्स इच्छाणुलोमगं जो न कुज्ज सइ लाभे । अस्संजमस्स भीतो, अलस पमादी व गुरुगा से ॥१९६१॥ लोगविरुद्धं दुप्परिचओ उ कयपडिकिई जिणाण य ।
अतरंतकारणेते, तदट्ठ ते चेव विज्जम्मि ॥१९६२॥ "पूयाईणि वि मग्गइ०"["तेइच्छियस्स०""लोगविरुद्धं"] गाहात्रयं कण्ठ्यम। एसेव गमो नियमा, होइ गिलाणे वि मज्जणादीओ। सविसेसो कायव्वो, लिंगविवेगेण परिहीणो ॥[नि०चू० ३०६४]
१. हस्तप्रतिषु "कंजिय०""चड्डग०" इति गाथाद्वयं व्युत्क्रमेण दृश्यते । २. दुक्खरिया अइ।
