________________
१७६ विसेसचुण्णि
[मासकप्पपगयं तेल्लुव्वट्टण ण्हावण, खुड्डाऽसति वसभ अन्नलिंगेणं । पट्टदुगादी भूमी, अणिच्छि जा तूलिपल्लंके ॥१९५२॥
"तेल्लुवट्टण०" गाहा । अब्भंगणुव्वलणण्हावगादि वि खुड्डगा से करेंति । खुड्डगा असतीए वसभा लिंगविवेगं करेत्ता प्रहाणादि करेंति । एसा ण्हायंतस्स जयणा । इमो जत्था सुवति भूमीए संथारयपटुं अत्थरिउं सुवओ, अणिच्छे कप्पेसु भूमीए सुवओ, अणिच्छे फलएसु, आदिग्गहणेण संथारए, पच्छा अणुण्णवेत्ता तूली, ताहे पल्लंकए तूली ।
इदाणिं आहारे जयणा -
समुदाणिओदणो मत्तओ वऽणिच्छंति वीसु तवणा वा । एवं पऽणिच्छमाणे, होइ अलंभे इमा जयणा ॥१९५३॥
"समुदाणिओदणो०" गाहा । 'समुयाणि ओदणो'त्ति भिक्खाकूरो, अणिच्छे मत्तगपोग्गलिओ, अणिच्छे असईए वा । जइ वा नेच्छइ सीयलं, ताहे उल्लणं पिधा घेत्तुं ताविज्जइ । अणिच्छे -
तिगसंवच्छर तिग दुग, एगमणेगे य जोणिघाए अ। संसट्ठमसंसट्टे, फासुयमण्फासुए जयणा ॥१९५४॥ [ नि०]
"तिगसंवच्छर०" गाहा । तिण्हं संवच्छराण जे परओ तंदुला वक्कंतजोणिया तिच्छडा, ते मग्गिजंति । असइ दुच्छडा एगच्छडा वा । असइ दुसंवच्छरिया वक्कंतजोणिया तिच्छडा । असइ दुच्छडा एगच्छडा वा । एवं जोणिग्घाए वि तिगादि भाणियव्वं । 'इयरेण रहिय'त्ति पच्छाकडाईहिं रहिते एसा जयणा । 'अणेगे' य जोणिघाये य'त्ति । सत्तसंवच्छरिया पंचसंवच्छरिया नियमा वक्कंतजोणिया वि तिच्छडा वि तियसंवच्छर तिय दुग एगं अणेगे य। अस्य विभासागाहा -
वक्कंतजोणितिच्छडदुएक्कछडणे वि होइ एस गमो । एमेव जोणिघाए, तिगाइ इतरेण रहिए वा ॥१९५५॥ "वक्कंतजोणिया०" गाहा । एते तंदुला मग्गिता । पुव्वाउत्ते अवचुल्लि चुल्लि सुक्खघणमज्झुसिरमविद्धे । पुव्वकय असइ दाणे, ठवणा लिंगे य कल्लाणे ॥१९५६॥
"पुव्वावुत्ते०" गाहा । पुव्वावुत्ते अवचुल्लए उवक्खडावेइ । अवचुल्लगासति चुल्लीए वि इमेहिं कटेहिं रंधावेइ-सुक्खा घणा अझुसिरा अविद्धा । तेसिं इमं पमाणं -
१. एमेव जोणि मुच ।
