________________
भासगाहा-१९४२-१९५१] पढमो उद्देसो
१७५ एवं ता गिहवासे, आसी य इयाणि किं भणीहामो। जं तुब्भऽम्ह य जुत्तं, तं उग्गाढम्मि काहामो ॥१९४७॥
"एवं ता गिहवासे०" गाहा । कण्ठ्या । एवं ताव सग्गामे वेज्जस्स जयणा भणिया । अह कयाइ सग्गामे न होज्ज वेज्जो, ताहे अन्नगामाओ आणेयव्वो । तत्थ का जयणा? उच्यते -
पाहिज्जे नाणत्तं, बाहिं तु भईऍ एस चेव गमो। पच्छाकडाइएसुं, अरहिय रहिए उ जो भणिओ ॥१९४८॥
"पाहिज्जे नाणत्तं०" गाहा । दक्षिणाए तह चेव । जहा सग्गामे जयणा भणिया, णाणत्तं पावेज्ज । पाहिज्जं णाम जं पंथे एतस्स भत्तादि दिज्जइ, तत्थ जयणा भण्णइ । पच्छाकडाईया जइ अस्थि, ते दवाविज्जंति । 'रहिए'त्ति पच्छाकडाईणं, असईए इमा जयणा -
मज्जणगादिच्छंते, बाहिं अब्भितरे व अणुसट्ठी। धम्मकहविज्जमंते, निमित्त तस्सऽट्ट अन्नो वा ॥१९४९॥
"मज्जणगादिच्छंते०" गाहा । 'बाहिति पंथे । 'अभितरे व' त्ति गिलाणसगासे । अणुसट्टी नाम पण्णविज्जइ । जहा जईणं ण वट्टइ मुहा करेंतस्स बह अधम्मो होइ, एवं विभासा। 'धम्मकह' त्ति -
तह से कहिंति जह होइ संजओ सन्नि दाणसड्डो वा।।
बहिया उ अण्हायंते, करिति खुड्डा इमं अंतो ॥१९५०॥
"तह से कहेंति०" अद्धगाहा । कण्ठ्या । 'विज्ज'त्ति विज्जाए ण्हाणाइ आणिज्जइ मंतेण वा विज्जाए । असई निमित्तेणं आउट्टावेत्ता कोइ कारिज्जइ । तस्सासई आमलगा से दिज्जति । भन्नइ-एत्तो चेव बहिता' पहाहि कूवादीसु । बहियाओ अण्हायंते करेंति खुड्डा इमं अंतो ।
उसिणे संसढे वा, भूमीफलगाइ भिक्ख चड्डाई ।
अणुसट्ठी धम्मकहा, विज्जनिमित्ते य अंतो बहिं ॥१९५१॥ [नि०]
"उसिणे०" गाहा । उसिणोदगं मग्गित्ता दिज्जइ । अलंभे संसट्ठपाणगं दिज्जइ । अह नेच्छइ ताहे पुव्वावुत्ते उवचुल्लए परंपरं ठवेत्ता ताविज्जइ । तस्सासति परंपरं चुल्लीए । पच्छा अणंतरं उवचुल्लए, पच्छा चुल्लीए वि । अणंतरं एवं पुव्वकयस्स असईए । ताहे सयं पि करेंति, सुक्खेहि अघुणेहिं अज्झुसिरेहिं दारुएहिं पडिलेहेत्ता पमज्जित्ता परिमियपरिच्छिन्नेहिं । एवं जयणा उसिणदवं करेंति ।
१. बहि नास्ति अ इ । २. सुक्खेहि....दवं नास्ति अ इ ।
