________________
१६६ विसेसचुण्णि
[मासकप्पपगयं फासुगमफासुगेण व, अच्चित्तेतर परित्तऽणंतेणं।
आहारतद्दिणेतर, सिणेह इअरेण वा करणं ॥१९०६॥
["खित्तबहिया०" "उव्वरगस्स०" "फासुगमफासुगेण" गाहा ।] अपि पदार्थसंभावने । सुत्तत्थपोरुसीओ काउं, सखेत्ते सग्गामे अणोभटुं उप्पाएंतो, अलंभे सखित्ते, अन्नगामे अणोभटुं । अलंभे सखेत्ते सग्गामे उब्भटुं। अलंभे सखेत्ते अन्नगामे उब्भटुं। अलंभे अत्थपोरुसिं परिहवेत्ता । एवं चेव अलंभे सुत्तपोरुसिं पि परिहवेत्ता । एवं चेव अलंभे पडिलेहणियं पि अकाउं । एवं चेव खेत्तंतो एवं तद्दिवसं अलंभे कीयादीसु, विसोहिकोडीए गेण्हउ, सखेत्ते । एवं खेत्तबहिया वि । ताए चेव विसोहिकोडीए तद्दिवसं । असइ सखेत्ते संजयट्ठाए, परियासितं पि तद्दिवसं एइ । असइ खेत्तबहिया वि संजयट्ठाए परियासियं पि तद्दिवसं एइ । अह दूरं अंतरं न पावेंति तद्दिवसं तो अवरण्हे गया बिइयदिवसे आणेति । 'विणासे 'त्ति । खीरादी सग्गामे काटेंति । असइ परियासियं पि । असइ खेत्तबहिया वि । एवं जइ दिणे दिणे लब्भेज्ज । 'असंथरे'त्ति । जइ गिलाणट्ठाए परखेत्तं वच्चंता आहिंडंता ते ण संथरंति, तो पणगपरिहाणीए एसणाईसु जयंता अणेसणिज्जं गेहंति । छन्नं ति दारं । जं तं परियासिज्जइ तं पुण अन्नम्मि उव्वरए ठविज्जइ । असईए तत्थेव पडिस्सए एगत्थ ओवासे चिलिमिणि कीरइ तत्थ ठविज्जइ । तमिति जहा अगीया गिलाणो य न याणंति । एयं उभयं गिलाणो खाएज्ज अगीयाण अप्पच्चओ । तस्स असई अम्मापिईसमाणेसु गिहेसु ठवेऊण दिवसे दिवसे आणेज्जइ । सव्वत्थ सद्धेण कायव्वं । असंथरे पणगपरिहाणीए । दोहिं वि कज्ज त्ति दारं - फासुएण वा अफासुएण वा, अचित्तेणं वा सचित्तेणं वा, परित्तेण वा अणंतेण वा दोहिं वि कायव्वं ।
इदाणि वेज्जाणुत्तणा । तत्थ गाहा - विज्जं न चेव पुच्छह, जाणंता बिंति तस्स उवदेसो । दट्ठ पिलगाइएसु, अजाणगा पुच्छए विज्जं ॥१९०७॥ किह उप्पन्नौ गिलाणो, अट्ठम उण्होदगाइया वुड्डी । किंचि बहुभागमद्धे, ओमे जुत्तं परिहरंतो ॥१९०८॥
१. दोहिं...कायव्वं नास्ति ड। २. इह च सर्वत्राप्येकं दिनं विशेषचूर्णि-बृहद्भाष्याभिप्रायेण, दिनसप्तकं तु चूर्ण्यभिप्रायेणेति मन्तव्यम् । मलवृ ।
