________________
१६७
भासगाहा-१९०६-१९१२]
पढमो उद्देसो __"वेज्जं न चेव पुच्छह०" गाहा । एवं तस्स कीरमाणे सो भणइ-वेज्जं पुच्छह । अप्पच्छंदेण मा करेह । तेह साहू सयं चेव कुसला णत्थि । वेज्जप्पओयणं । ताहे भण्णइ-गम्म वेज्जस्स पासं । गया । मुहत्तं अच्छिऊण आगंतूण भणंति-एमो णेण उवएसो दिन्नो । 'दट्ठ'त्ति सप्पदट्ठाइ पिलगं गंडं। आइग्गहणेण फोडिया । एवमादीसु जाणगा सयं करेंति । अयाणगा वेज्जं पुच्छंति । "किह उप्पन्नो०" गाहा । किह पुण सो गिलाणो उप्पन्नो? बहूणि गेलन्नकारणाणि गिलाणो जाहे उप्पज्जइ । ताहे वेज्जो णाणिज्जइ आणिज्जंते अधिकरणदोसा । जइ अच्छिरोगो जरो वा समुट्ठिओ ताहे तप्पढमयाए अट्ठमं कारिज्जइ ।
जाव न मुक्को ता अणसणं तु मुक्के वि ऊ अभत्तट्ठो ।
असहुस्स अट्ठ छटुं, नाऊण रुयं व जं जोगं ॥१९०९॥
"जाव न मुक्को०" गाहा । 'उण्होदगादि वड्डि'त्ति (१९०८) पढमदिवसेण उण्होदगेरे आवट्ट कढिएण मउआणि सित्थाणि अमलियाणि दिज्जति । मलियाणि सेंभं करेंति । बिइयदिवसे मउलं उल्लेणं छुब्भइ किंचिमत्तं । एवं वडतं ताव जाव दोच्चंगेण समुद्दिसइ, जाव पोराणो आहारो जाउ त्ति । एवं जइ उवसंतो, नत्थि वेज्जप्पओयणं । अह न उवसंतो न परिभवियव्वो । होज्ज वढेतो सो वाही ।
एवं पि कीरमाणे, विज्जं पुच्छे अठायमाणम्मि । विज्जाण अट्ठगं दो, अणिड्ढि इड्ढि अणिड्डियरे ॥१९१०॥
"एवं पि कीरमाणे०" गाहा । अठायमाणे रोगे वेज्जो पुच्छियव्वो। 'विज्जाणं अट्ठयं' ति । अस्य व्याख्या -
संविग्गमसंविग्गे, दिद्रुत्थे लिंगि सावए सण्णी।
अस्सण्णि इड्डि गहरागई य कुसलेण तेगिच्छं ॥१९११॥
“संविग्गमसंविग्गे०" गाहा । संविग्गो गीयत्थो, संविग्गो अगीयत्थो, असंविग्गो गीयत्थो, असंविग्गो अगीयत्थो,४ लिंगहत्थो पुराणो, कयाणुव्वओ सावगो, अकयाणुव्वओ सावगो, अहाभद्दगो, अभिग्गहियमिच्छादिट्ठी, अनभिग्गहियमिच्छदिट्ठी, अन्नतिथिओ य ।
दो अणिड्डि त्ति दारं। संविग्गेतर लिंगी, वइ अवइ अणागाढ आगाढे । परउत्थिय अट्ठमए, इड्डी गहरागई कुसले ॥१९१२॥
१. भणइ...ताहे नास्ति ब । २. पढमदिवसे उण्होदगेण ब क ड । ३. जाणिओ इ। ४. संविग्गो...अगीयत्थो नास्ति अ ड इ ।
