________________
भासगाहा-१८९४-१९०५] पढमो उद्देसो
१६५ "अंतो बहिं०" ["परिताव०"] गाहाद्वयं कण्ठ्यम् । लुद्ध त्ति गयं । इदाणि अणुयत्तण त्ति दारं । तत्थ गाहा -
अणुयत्तणा गिलाणे, दव्वट्ठा खलु तहेव विज्जट्ठा । असतीइ अन्नओ वा, आणेउं दोहि वी कुज्जा ॥१९००॥
"अणुयत्तणा०' गाहा । अणुयत्तणा दुविहा-दव्वाणुयत्तणा वेज्जाणुयत्तणा य । दव्वाणुयत्तणाए इमा गाहा -
जायंते उ अपत्थं, भणंति जायामों तं न लब्भति णे। विणियट्टणा अकाले, जा वेल न बेंति उन देमो ॥१९०१॥
"जायंते उ०" गाहा । संजोगदिट्ठपाढी गिलाणस्स पाउग्गेण दव्वेण तिगिच्छं करेंति । जहा सो अपत्थं मग्गइ ताहे अणुयत्तिज्जइ, ण भणइ-जहा नत्थि न देमो वा । मा तस्स अद्धिई भविस्सइ । ताहे तस्स पुरओ गिहत्था भण्णंति-आणेह । ते गया पोरुसिं करेंति । जइ पूणो भन्नइ ताहे भण्णइ-धुवं न लब्भइ । अन्नो पेसिज्जओ। सो वि गओ। तहिं चेव अच्छइ । एवं वेलाए से आणिज्जइ । जं पुण अपत्थं मग्गइ तं भन्नइ-न लद्धं काई आणेमो।
तत्थेव अन्नगामे, वुत्थंतरसंथरंत जयणाए। असंथरणे सणमादी, छन्नं कडजोगि गीयत्थे ॥१९०२॥
"तत्थेव अन्नगामे०" दारगाहा । तत्थेव त्ति दारं । तस्मिन्नेव ग्रामे यत्र स्थितास्ते । अस्य व्याख्या -
पडिलेह पोरुसीओ, वि अकाउं मग्गणा उ सग्गामे । खित्तंतो तद्दिवसं, असइ विणासे व तत्थ वसे ॥१९०३॥ "पडिलेह०" गाहा । खित्तबहिया वि आणे, विसोहिकोडिं वतिच्छितो काढे। पइदिवसमलब्भंते, कम्मं समइच्छिओ ठवए ॥१९०४॥ उव्वरगस्स उ असती, चिलिमिणि उभयं च तं जह न पासे । तस्सऽसइ पुराणादिसु, ठविंति तद्दिवस पडिलेहा ॥१९०५॥
