________________
भासगाहा-१८५५-१८६६] पढमो उद्देसो
१५७ का भयणा जइ कारणि, जयणाएँ अकप्प किंचि पडिसेवे । तो सुद्धो इहरा पुण, न सुज्झए दप्पओ सेवं ॥१८६१॥
"जे जे दोसाययणा०" ["का भयणा०"] गाहा । कण्ठ्या । ‘इहरा उ भइयव्वो' त्ति जे पडिकुट्ठा ते गेण्हंतो से पायच्छित्ती वा अपायच्छित्ती वा । कहं ? पढमभंगे कज्जेणं सागारियं ति काउं गेण्हंतो वि अपायच्छित्ती, बिइयतइएसु अगेण्हंतो वि सपायच्छित्ती । किं च -
समणुन्नापरिसंकी, अवि य पसंगं गिहीण वारिता । गिण्हंति असढभावा, सुविसुद्धं एसियं समणा ॥१८६२॥
"समणुन्नापरिसंकी०" गाहा । मा अणुण्णादोसो भविस्सइ । अवि य मा गिहत्थाणं पसंगो होहिति । कम्मं ति गयं ।
इदाणिं हत्थे त्ति दारं -
किं उवघातो हत्थे, मत्ते दव्वे उदाहु उदगम्मि। तिन्नि वि ठाणा सुद्धा, उदगम्मि अणेसणा भणिया ॥१८६३॥
"किं उवघाओ हत्थे०" गाहा । चोयगो पुच्छइ-कि उवघातो हत्थस्स उयाहु मत्तं सदोसं, अह तं दव्वं अह उदगं, जेण पुरेकम्मं परिहरिज्जइ? आयरिओ भणति-नो हत्थ मत्त दव्व परिहरिजंति, उदगं परिहरिज्जति, तं अणेसणिज्जं । स्यान्मतिः किं कारणं? अत उच्यते -
जम्हा तु हत्थमत्तेहिँ कप्पती तेहिँ चेव तं दव्वं ।
अत्तट्ठिय परिभुत्तं, परिणत तम्हा दगमणेसिं ॥१८६४॥
"जम्हा उ हत्थमत्तेहिँ०" गाहा । 'जम्हा' इति यस्मात् कारणात् पुरेकम्मे कए, जता अत्तट्ठियपरिभुत्तं भवति तदा तेहिं चेव हत्थमत्तेहिं तमेव द्रव्यं कल्पते । परिणत्ते उदए ससणिद्धे । अनेन कारणेन हस्तमात्रद्रव्याणि न पारिहार्याणि उदकं पारिहारियं । एवं वस्त्रपात्राणि वि । अस्य
व्याख्या -
किं उवघातो धोए, रत्ते चोक्खे सुइम्मि व कयम्मि । अत्तट्ठियसंकामियगहणं गीयत्थ संविग्गे ॥१८६५॥ [नि०] गीयत्थग्गहणेणं, अत्तट्ठियमाइ गिण्हई गीतो। संविग्गग्गहणेणं, तं गिण्हंतो वि संविग्गो ॥१८६६॥
