Kappasuttam Vhas Vises Chunni Sahiyam Part 01

SR No.: 007786
Original Sutra Author: Bhadrabahuswami, Sanghdasgani Kshamashraman
Publisher: Shubhabhilasha Trust
Publication Year: 2016
Total Pages: 504
Language: Prakrit
Classification: Book_Devnagari & agam_bruhatkalpa
File Size: 3 MB

Page 239

विसेसचुण्णि
[ मासकप्पपगयं
" किं उवघाओ० " [ " गीयत्थग्ग० " ] गाहाद्वयं कण्ठ्यम् । संजयट्ठाए धोयादि वि
अत्तट्ठियसंकामियं कप्पति ।
१५८
इयाणि उप्फोसे त्ति दारं ।
एमेव य परिभुत्ते, नवे य तंतुग्गए अधोयम्मि ।
उप्फुसिऊणं देंते, अत्तट्ठिय सेविए गहणं ॥ १८६७॥
"एमेव य परिभुत्ते० " गाहा । जहा हत्थेण मत्तेण य पुरेकम्मं कयं वत्थं परिभुत्तं वा नवओ चेव तंतुग्गओ नवो अतिउप्फोसितुं देइ, न कप्पइ, अत्तट्ठितपरिभुत्तं कप्पति । उप्फोसणा नाम उप्पेक्खणं उदएणं । दिट्ठा पुरेकम्मपरिहरणा । पच्छाकम्मे का विही ? तत्थ गाहा संसट्टमसंसट्टे, य सावसेसे य निरवसेसे य ।
हत्थे मत्ते दव्वे, सुद्धमसुद्धे तिगट्टाणा ॥ १८६८ ॥
1
"संसट्टमसंसट्टे० " गाहा । संसट्ठे हत्थे, संसट्टे मत्ते, सावसेसं दव्वं । एवं अट्ठ भंगा अत्राग्रहणे व्याख्या -
पढमगर भंगे गहणं, सेसेसु य जत्थ सावसेसं तु ।
अन्ने अग्गहणं, अलेव सुक्खेसु ऊ गहणं ॥ १८६९॥
"पढमग भंगे गहणं० " गाहा । कण्ठ्या । जत्थ जत्थ सावसेसं दव्वं तत्थ सव्वत्थ गहणं, सेसेसु अग्गहणं । अत्रापि जं दव्वं अलेवं जहा सत्तुगाईणि । 'सुक्खं ३ ति । गुलपिंडिगाईणि । ‘सुद्धमसुद्धे तिगट्ठाणं" ति हत्थमत्तदव्वेणं अट्ठहिं भंगेहिं जत्थ पच्छाकम्मदोसा नत्थि तं सुद्धं, जत्थ अत्थि तं असुद्धं । पुरेकम्मं ति गयं । इदाणि गिलाणे त्ति दारं ।
सग्गामे सउवसए, सग्गामे परउवस्सए चेव ।
खेत्तंतों अन्नगामे, खेत्तबहि सगच्छ परगच्छे ॥१८७०॥
"सग्गामे सउवसए० " गाहा । 'सग्गामे' त्ति जत्थ ठिया गामे तत्थ अप्पणए पडिस्सए सुयं, जहा - अमुगत्थ गिलाणो । जइ णेणं आवस्सयं करेंतेण सुयं जइ णेणं एक्को काउसग्गो कओ, उग्गाहेऊण णिंतु, बाहिरओ सेसं करेउ। एवं सग्गामे अन्नेसिं साहूण उवस्सए कार्याभ्यागतेन श्रुतं । 'खेत्तंतु' त्ति भिक्खाइ निग्गंतएणं अन्नगामे, पडिवसभगामे, अंतरपल्लियाए वा सुयं,
१. संसट्टे हत्थे, संसट्टे मत्ते, निरवसेसं दव्वं २। संसट्ठे हत्थे, असंसट्टे मत्ते, सावसेसं दव्वं ३ । संसट्टे हत्थे, असंसट्ठे मत्ते, निरवसेसं दव्वं ४। असंसट्ठे हत्थे, संसट्ठे मत्ते, सावसेसं दव्वं ५। असंसट्टे हत्थे, संसट्टे मत्ते, निरवसेसं दव्वं ६ | असंसट्टे हत्थे, असंसट्ठे मत्ते, सावसेसं दव्वं ७ असंसट्टे हत्थे, असंसट्टे मत्ते, निरवसेसं दव्व ८। २. पढमे मुच । ३. सुक्खम्मि अ ब ड । ४. तिगट्ठाण मुच ।