________________
१५६
विसेसचुण्णि
[मासकप्पपगयं पुरेकम्मं घेत्तव्वं ति, संपत्ती य से जाया ।
सुन्नो चउत्थों भंगो, मज्झिल्ला दोण्णि वी पडिकुट्ठा । संपत्तीइ वि असती, गहणपरिणते पुरेकम्मं ॥१८५५॥ [नि०]
"सुन्नो चउत्थो भंगो०" गाहा । जं नो दव्वओ नो भावओ य । एत्थ भावो सुद्धो। तेण पुरेकम्मं पइ एस सुन्नो त्ति, मज्झिल्ला दोन्नि वि पडिकुट्ट त्ति । बीइयतइयभंगा न वद॒ति । चोयओ भणइ-बिइयभंगेण चेव तेण गहितं कहं तस्स पुरेकम्मं भवति ? उच्यते-संपत्ती य वि असई गहणपरिणतो पुरेकम्मं ति । जइ वि तस्स संपत्ती न भवति, तहा वि गहणपरिणतो पुरेकम्मं मया घेत्तव्वं ति भावोपहतत्वात् पुरेकम्ममेव भवति । पुनराह चोदक: -
पुरकम्मम्मि कयम्मी, जइ गिण्हइ जइ य तस्स तं होइ । एवं खु कम्मबंधो, चिट्ठइ लोए व बंभवहो ॥१८५६॥ संपत्तीइ वि असती, कम्मं संपत्तिओ वि य अकम्मं । एवं खु पुरेकम्मं, ठवणामित्तं तु चोएइ ॥१८५७॥
["पुरकम्मम्मि०"] "संपत्ती य वि असई०" गाहा । पढमभंगे पुरेकम्मं गेण्हंतो वि न कम्मबंधेन लिप्पति । बितियभंगे अगेण्हंतो वि पुरेकम्मदोसे लग्गति । जहा लोए बंभवज्झा । एवं तुब्भं कम्मबंधो।
इंदेण बंभवज्झा, कया उ भीओ अ तीऍ नासंतो। तो कुरुखेत्तपविट्ठो, सा वि बहि पडिच्छए तं तु ॥१८५८॥ निग्गय पुणो वि गिण्हे, कुरुखेत्तं एवं संजमो अम्हं ।
जाहे ततो नीइ जीवो, घेप्पड़ तो कम्मबंधेणं ॥१८५९॥
"इंदेण०" ["निग्गथ पुणो०"] गाहा । इंदो किर बंभवज्झाफलेण वाहिज्जंतो कुरुखेत्तं पविट्ठो । तत्थ सा ठिया । जाहे निप्फिडिओ ताहे पुणो लग्गा । एवं तुब्भ वि पुरेकम्मबंधो ठवणामेत्तं । आयरियो भणइ-अम्ह वि एवं चेव । जइ संजमकुरुखेत्ताओ जीवो णीति बिइयतइएसु भंगेसु तो कम्मबंधो अल्लियइ । जं भणसि ठवणामेत्तं । आयरियो भणइअम्ह वि एवं चेव । जइ संजमपुरेकम्मं ति तं न भवइ । कथम् ? अत उच्यते -
जे जे दोसाययणा, ते ते सुत्ते जिणेहिँ पडिकुट्ठा । ते खलु अणायरंतो, सुद्धो इहरा उ भइयव्वो ॥१८६०॥
१. चउत्थ मुच।
