________________
१५२ विसेसचुण्णि
[मासकप्पपगयं इदाणि परिहरण त्ति दारं । तत्थ गाहा - परिहरणा वि य दुविहा, विहिअविहीए अ होइ नायव्वा । पढमिल्लुगस्स सव्वं, बिइयस्स य तम्मि गच्छम्मि ॥१८३१॥ तइयस्स जावजीवं, चउत्थस्स य तं न कप्पए दव्वं ।
तद्दिवस एगगहणे, नियट्टगहणे य सत्तमए ॥१८३२॥
"परिहरणा धोयणे'०" गाहा । ["तइयस्स जावजीवं०"] तत्थ अविहिए परिहरणा सत्तविहा । तत्थ पढमउ चोयओ भणइ-जम्मि घरे पुरेकम्मं कयं तम्मि घरे सव्वसंजयाणं जावज्जीवाए सव्वदव्वाइं न कप्पंति । तत्थ गाहा -
पढमो जावज्जीवं, सव्वेसिं संजयाण सव्वाणि ।
दव्वाणि निवारेई, बीओ पुण तम्मि गच्छम्मि ॥१८३३॥ "पढमो जावज्जीवं०" गाहा । बीयओ जावज्जीवं सव्वदव्वाइं तस्सेवेगस्स गच्छस्स । तइओ जावज्जीवं, तस्सेवेगस्स सव्वदव्वाइं। वारेइ चउत्थो पुण, तस्सेवेगस्स तं दव्वं ॥१८३४॥
"तइओ जावज्जीवं०" गाहा । तइओ तस्सेवेगस्स साहुस्स । चउत्थो तस्सेवेगस्स तं दव्वं जावज्जीवाए।
सव्वाइं पंचमो तद्दिणं तु तस्सेव छट्ठों तं दव्वं । सत्तमओं नियट्टतो, गिण्हइ तं परिणयकरम्मि ॥१८३५॥
"सव्वाइं पंचमो०" गाहा । पंचमो सव्वदव्वाइं तद्दिवसं तस्सेवेगस्स । छट्ठो तं दव्वं वारेइ । "सत्तमओ नियट्रंतो०" गाहापच्छद्धं कण्ठ्यम् । एवं भणिते अविहिजंपएहिं आयरियो एतेसिं दोसं भणति -
एगस्स पुरेकम्मं, वत्तं सव्वे वि तत्थ वारिति । दव्वस्स य दुल्लभता, परिचत्तौ गिलाणओ तेहिं ॥१८३६॥ जेसिं एसुवएसो, आयरिया तेहि ऊ परिच्चत्ता। खमगा पाहुणगा वि य, सुव्वत्तमजाणगा ते उ ॥१८३७॥
१. वि य दुविहा मुच ।
