________________
भासगाहा-१८२०-१८३०] पढमो उद्देसो
१५१ "अच्चुसिण" गाहा । कण्ठ्या । एवं परिवेसणे पुरेकम्मे य कए जं कप्पइ तत्थ इमा गाहा -
दाऊण अन्नदव्वं, कोई दिज्जा पुणो वि तं चेव ।
अत्तट्ठियसंकामियगहणं गीयत्थसंविग्गे ॥१८२६॥ [नि०]
"दाऊण अन्नदव्वं०" गाहा । चउसु आइल्लेसु कप्पइ जइ इमं करेज्ज - जं दव्वं देंतेण पुरेकम्मं कयं तं दव्वं मोत्तुं जइ अन्नं दव्वं दाउं पुणो तं चेव देइ अत्तट्ठियं च तो संकामियत्तणेणं हत्थमत्ताणं उदउल्लससिणिद्धभावा नत्थि त्ति काउं कप्पइ । गीयत्थो एयं गहणं जाणेइ । 'संविग्गे'त्ति तं गेण्हंतो वि संविग्गो ।
गीयत्थग्गहणेणं, अत्तट्ठियमाइ गिण्हई गीतो। संविग्गग्गहणेणं, तं गिण्हंतो वि संविग्गो ॥१८२७॥ "गीयत्थग्गहणेणं०" गाहा । कण्ठ्या ।
पुरतो वि हु जं धोयं, अत्तट्ठाए न तं पुरेकम्मं । तं उदउल्लं ससिणिद्धगं व सुक्खे तहिं गहणं ॥१८२८॥ "पुरओ वि हु जं धोयं०" गाहा । कण्ठ्या । तुल्ले वि समारंभे, सुक्के गहणेक्क एक्क पडिसेहो ।
अन्नत्थ छूढ ताविय, अत्तट्ठे होइ खिप्पं तु ॥१८२९॥
"तुल्ले वि०" गाहा । संजयट्ठाए कयं दोहिं जणेहिं पिहप्पिहपंतिसु तं च सुक्कं उदउल्लससिणिद्धा नत्थि जेण अत्तट्ठियं तस्स कप्पइ, जेण न अत्तठियं तस्स हत्थाओ न कप्पइ घेत्तुं, एयं चिरेण भणितं । जं पुण तक्खणमेव कयं तं अन्नत्थ छूढं फासुयदव्वे । जेण उदउल्लससिणिद्धा परिणामिज्जंति तं अत्तट्ठियं कप्पइ, अणत्तट्ठियं न कप्पइ । एवं सव्वपंतीसु गहणलक्खणं तिहि गाहाहिं भणियं । छटुसत्तमासु कप्पति चेव । पंचमाए वि कप्पइ जइ उदउल्लससणिद्धा नत्थि ।
इदाणिं आरोवण त्ति दारं -
चाउम्मासुक्कोसे, मासिय मज्झे य पंचग जहन्ने । पुरकम्मे उदउल्ले, ससिणिद्धाऽऽरोवणा भणिया ॥१८३०॥ "चाउम्मासुक्कोसे०" गाहा । कण्ठ्या ।
