________________
१३२ विसेसचुण्णि
[मासकप्पपगयं "गिहिसंति०" गाहा । कण्ठ्या । अह थोवं दवं तो अन्नओ गेण्हति । द्वितीयपदे संघाडगासतीए -
जा भुंजति ता वेला, फिट्टइ तो खमग थेरओ वाऽऽणे। तरुणो व नायसीलो, नीयल्लगभावियादीसु ॥१७३०॥
"जा भुंजति ता०" गाहा । कण्ठ्या। ताहे जो खमओ उववासिओ थेरओ वा असंकणिज्जो तरुणो जो नायसीलो जस्स एगाणियस्स दोसा न भवंति । खमओ नाम जो चउत्थाइ ।
बिइयपइ मोय गुरुगा, ठाण निसीयण तुयट्ट धरणं वा।
गोब्बरपुंछण ठवणा, धोवण छढे य दव्वाइं ॥१७३१॥ [नि०]
"बिइयपइ०" गाहा पुरातना । अस्य व्याख्या-जइ ते साहुणो बिइयपदेण वतियं गता, तत्थ दुल्लभं पाणयं । अस्य व्याख्या -
वइया अद्धाणे वा, दव असईए विलंबि सूरे वा।
जइ मोएणं धोवइ, सेहऽन्नह भिक्ख गंधाई ॥१७३२॥
"वइया अद्धाणे वा०" गाहा । जइ पाणयं नत्थि तत्थ किं कायव्वं? चोयगो भणइमोएण धुप्पंतु । आयरियो भणइ-एवं भणंतस्स धोवंतस्स य चउगुरुगा । सेहा विप्परिणमंति । बिइयदिवसे भिक्खस्स गयस्स उठ्ठिए काइयगंधो एति । तेण उडाहो । आदिग्रहणेण सावगाणं विप्परिणामो भवति । अरसं भवइ ।
भणइ जइ एस दोसो, तो ठाण निसियण तुअट्ट धरणं वा । भण्णइ तं तु न जुज्जइ, दु दोस पादे अ हाणी य ॥१७३३॥
"भणइ जइ एस दोसो०" गाहा। भणइ त्ति चोयगो भणइ-जइ विप्परिणामं गंधादयो दोसा भवंति तो घेत्तूणं रत्तिं सव्वं उद्वितओ अच्छतु । तह वि जति न सक्केइ तो उवट्ठितो अच्छतु । तह वि जइ न सक्केइ संतट्ठिओ अच्छतु मा सुवतु । भण्णति त्ति आयरियवयणं । 'दु दोस'त्ति निदाए पेल्लिओ पडेज्जा, तत्थ आयविराहणा दोसा । बिइओ संजमविराहणादोसा पडिओ जीवाहिं सेज्जातं वा, पात्रं भंजेज्ज। जा तेण विणा हाणी । यस्मादेते दोषास्तस्मान्नायं विधिः । इमो विधी -
निद्धमनिद्धं निद्धं, गोब्बरपुढे ठविंति पेहित्ता। जइ य दवं घेत्तव्वं, बिइयदिणे धोइउं गिण्हे ॥१७३४॥
१. धुप्पंतो तु अ।
