________________
भासगाहा-१७२१-१७२९] पढमो उद्देसो
१३१ गिण्हंति सिज्झियाओ, छिदं जाउग सवत्तिणीओ अ । सुत्तत्थे परिहाणी, निग्गमणे सोहिवुड्डी य ॥१७२५॥
"गिण्हंति सिज्झियाओ०" गाहा । जं तं पुणो पुणो एइ य जाइ य । तत्थ 'सिज्झियाओ'त्ति समोसेतियाओ । 'जाउग'त्ति दियराइणियाओ सवत्तिणीओ य एवं मन्नंति । उब्भामगो एस पाणगदायियाए । ताहे असंखडितीओ तमुद्दिसंति । 'निग्गमणे सोहिवुड्डी य'त्ति । जं तं भणितं निच्चभत्तियस्स भिक्खुस्स एक्कारसहिं सपदं (गा० १६९८) तं पावति । जम्हा एए दोसा तम्हा इमो विही -
संघाडएण एगो, खमए बिइयपय वुड्डमाइण्णे ।
पुव्वुद्धि( द्दि )एण करणं, तस्स व असई य उस्सित्ते' ॥१७२६॥ "संघाडएण एगो०" गाहा । संघाडएणं ति अस्य विभाषा - भावितकुलेसु धोवित्तु भायणे आणयंति सेसट्ठा । तव्विहकुलाण असई, अपरीभोगादिसु जयंति ॥१७२७॥
"भावितकुलेसु०" गाहापुव्वद्धं । भावितकुला नाम संविग्गभाविया सावगा अहाभद्दगा वा । जेसिं वा लोयावाओ नत्थि । तेसु संघाडगो गंतुं गिहत्थभायणेसु दवं घेत्तुं कप्पं करेइ भायणस्स । ‘सेसट्टाए' त्ति सेसाणं लेवाडाणं धोयणट्ठाए सन्नाभूमि पाणगट्ठाए य अन्नं पि दवं गेण्हति । "तव्विह०" गाहापच्छद्धं । भावियकुलाणं असईए अपरिभोगाइसु जयंति । आइगहणेण मंडलियतक्कियस्स वि खमगस्स भायणेसु गेण्हंति दवं । कहं जयंति ? जं पच्चुसितं तं गिण्हियव्वं । किं कारणं? अत उच्यते -
ओअत्तं तम्मि वहो, पाणाणं तेण पुव्वउस्सित्तं । असती वुस्सिचणिए, जं पेक्खइ वा असंसत्तं ॥१७२८॥
"ओअत्तं तम्मि०" गाहा । अंबिलीए ओयत्तियज्जमाणीए जे तत्थ पाणअंबिलीए गंधेण एंतजंताण संचरओ तेसिं वधो भवति । एएण कारणे पच्चुसितं गिण्हियव्वं । जइ पच्चुसितं नत्थि, ताहे उस्सिचणियाए उस्सिचावेत्ता जयणाए गेण्हइ । उस्सिचिणिया नत्थि ताहे जणपासेण पाणजाइएहिं असंसत्तं तेणं तेणं उवतित्ता गिहिभायणे पाडिहारियधम्मेण जइ सुज्झइ ताहे भाणस्स कप्पं काउं गेण्हइ । अस्य विभाषा -
गिहिसंति भाण पेहिय, कयकप्पा सेसगं दवं घेत्तुं । धोअणपियणस्सट्ठा, अह थोवं गिण्हए अन्नं ॥१७२९॥
१. पुरातना गाथा मलवृ । २. किं कारणं....गिण्हियव्वं नास्ति इ । ३. उयत्तित्ता क ड ।
