________________
१२८
विसेसचुणि
घयघट्टो पुण विगई, वीसंदण मो य केइ इच्छंति । तेलगुलाण अविगई, सूमालियखंडमाईणि ॥ १७१०॥ महुणो मयणमविगई, खोलो मज्जस्स पोग्गले पिउडं । रसओ पुण तदवयवो, सो पुण नियमा भवे विगई ॥१७११॥
" दहि अवयवो उ० " [" घयघट्टो०" "महुणो० " ] गाहाओ । कण्ठ्याओ । सुकुमालिया' नाम तेल्लघयघट्टो गुलस्स य घयघट्टो, सक्करा मच्छंडिया, पिउडं उज्झं मंसस्स अवयवो, रसओ वसा मेदो य विगई । ओगाहिमयं दसमा विगई। एयाहिं विगईहिं अवयवेहि य जम्मी संतं सव्वं लेवाडं। पिंडरसस्स इमा विभासा
-
अंबाडकविट्ठे, मुद्दीया माउलिंग कयले य । खज्जूरनालिएरे, कोले चिंचा य बोधव्वा ॥ १७१२॥
" अंबंबाड० " गाहा । कण्ठ्या ।
खज्जूरमुद्दियादाडिमाणपीलुच्छचिंचमाईणं ।
पिंडरसन ( अ ) विगईओ, नियमा पुण होंति लेवाडा ॥१७१३॥
"
[ मासकप्पपगयं
'खज्जूर० गाहा । कण्ठ्या । 'चिंचमाईणं 'ति । अंबिलियारसमादीहिं पिंडरसेहिं जं मीसं तं नियमालेवाडं भवति । जं विगईहिं मिस्सं तं विगई भवति । एयाई लेवाडाईणि भणिताई । लेवाडितस्स भायणस्स अवस्स कप्पो कायव्वो । जइ पुण तस्स भायणस्स फुडिओ लेवो, तओ तिकप्पे कए वि लेवाडमेव भवति । अतस्तद्दोषपरिहारार्थम्
कुट्टिमतलसंकासो, भिसिणीपुक्खलपलाससरिसो वा ।
सामास धुवण सुक्खावणा य सुहमेरिसे होति ॥१७१४॥
"कुट्टिमतल० " गाहा । जहा भिसिणिपत्ते जलं न ट्ठाइ, एरिसो लेवो कायव्वो । सीसो भणति—जहा नवरिकप्पो सुज्झइ तारिसो लेवो कीरउ, इयरे रागो । आयरियो भइ - एवं कप्पो वि सुहं कीरइ । लहुं च उव्ववेइ । अण्णो य से इमो गुणो । जहा एगो साहू रुक्खस्स मूले समुद्दिसति । तेण साहुणा दिसालोगो कओ, न पुण उवरि आरूढो धिज्जाईओ दिट्ठो । ताहे सो ओयरित्ता गामं गतो । तत्थाणेण सिट्टो गामेल्लयाणं । तेण पुण साहुणा सो उल्लुहंतो दिट्ठो ।
आउत्तो सो भगवं, चोक्खं सुइयं च तं कयं पत्तं । निस्सीलनिव्वयाणं, पत्तस्स य दायणा भणिया ॥ १७१५ ॥
१. कुसुमालिया के ।
