________________
१२७
भासगाहा-१७०५-१७०९] पढमो उद्देसो वुड्डो वा अहुणगिलाणोट्ठिओ वा । इमं पुण अवस्स हिंडावेयव्वं - पायभंडयं चोलपट्टओ य । तं पि न हिंडावेज्ज । अणाभोगेणं तुरियो वा गिलाणाईणं कज्जे । वीसरियं वा से वुड्डत्तणेणं । आयरियाईणं मत्तयं पि न गेण्हेज्जा, भिन्नो असुइलित्तो वा होज्जा । उवरिल्लाणि वि काउसग्गाईणि न करेज्ज गिलाणाईसु कारणेसु । सपडिपक्खो त्ति गयं । एवं भिक्खायरिया गया ।
इदाणिं कप्पकरणे त्ति । भाणस्स कप्पकरणे, अलेवडे नत्थि किंचि कायव्वं । तम्हा लेवकडस्स उ, कायव्वा मग्गणा होइ ॥१७०५॥
"भाणस्स कप्पकरणे०" गाहा । भाणस्स किं लेवाडस्स कप्पो कायव्वो अलेवाडस्स? लेवाडभायणस्स कप्पो अवस्सं कायव्वो, नो अलेवाडस्स । तम्हा लेवाडस्स मग्गणा होइ । किं लेवाडं वा अलेवाडं वा? तत्थिमाणि अलेवाडाणि -
कंजियउण्होदगचाउलोदए' संसट्ठाऽऽयामकट्ठमूलरसे । कंजियकढिए लोणे, कुट्टा पिज्जा य नित्तुप्पा ॥१७०६॥ कंजियउदगविलेवी, ओदणकुम्माससत्तुए पिढे। मंडग समिउस्सिन्ने, कंजियपत्ते अलेवकडे ॥१७०७॥
"कंजिय०" ["कंजियउदग०"] गाहाद्वयम् । कंजियं अंबिलं, उण्होदगं चाउलोदगं । 'संसट्ठ' त्ति उस्सित्तिया पाणयं । आयामं अवस्सावणं ति {भणंति} भणितं होइ । 'कट्ठमूलरसो' त्ति जम्मि चणगाइणो उवक्खडिता तं पाणियं अंबिलकढितं जं सलवणं कूडपेज्जा जा णिचोप्पडा । 'कुड'(१) त्ति चिंचा । कंजियविलेवी, उदगविलेवी, ओयणो, कुम्मासा, पिटुं, मंडगा । 'समितुस्सिन्' ति समितं अट्टओ तम्मि उस्सिणं ति उंडेरगा, भरोलगाइणो। कंजियपत्तादीणि य अलेवाडाणि, इमं लेवाडं -
विगई विगइअवयवा, अविगइपिंडरसएहिँ जं मीसं ।
गुलदहितेल्लावयवे, विगडम्मि य सेसएसुं च ॥१७०८॥ [नि०]
"विगई०" गाहा । विगईओ सावयवाओ काओ वि निरवयवाओ । जे ते अवयवा ते केइ विगई के वि अविगई, अवयवज्ञापनार्थं । तेषाञ्च के विगतयो के न वा ? इति ज्ञापनार्थमिदमुच्यते -
दहि अवयवो उ मंथू, विगई तक्कं न होइ विगई उ। खीरं तु निरावयवं, नवणीओगाहिमा चेव ॥१७०९॥
१. कंजुसिण चाउलोदे मुच वृत्तिकृता अयमेव पाठः आदृतोऽस्ति ।
