Page Text
________________
१२६ विसेसचुण्णि
[मासकप्पपगयं काऊण वि काउस्सग्गं जइ न संदिसावेइ ० (मासलघु?) के दोसा? सो अप्पणो णिस्सा एक्कं भत्तटुं घेत्तूण आगओ। तं जइ आयरिया समुद्दिसंति सो परिचत्तो । अह न समुद्दिसंति जा आयरियनिमित्तं निज्जरा ततो फिट्टो । एवं गिलाणपाहुणगे दोच्चं न पुच्छति-किह गिण्हामि ? त्ति (मासलघु) 0 अह संदिसावेइ, दोच्चं च आपुच्छति ताहे वा वारिज्जइ । आवस्सियं न करेइ पंचराइंदिया । जस्स जोगं न करेइ आहारो चेव कप्पइ सेसाइं न कप्पंति वत्थपायाईणि । काउस्सग्गे त्ति गयं ।
इदाणिं सपडिपक्खो त्ति । सव्वाणि वि एयाइं सपडिपखाई । आयरियादिवेयावच्चनिमित्तं बहुया वि वारा अइज्जा। अपत्ते वि काले पढमबीइज्जेण परीसहेण उच्चाहिज्जंतो नीति । जइ वि अइप्पओ तो चिरं गिण्हइ । जाणि य विबुद्धाणि तत्थ वच्चंति । जइ कोइ भणेज्ज ठवेज्जह तो पडिसेहेइ । अइच्छिए वि उल्लहेज्जा' । अद्धाण निग्गयाण कज्जे गिलाणं वा पडियरिओ । तेणं उस्सूरो जाओ। आवस्सगं न होज्जा । अणाभोगेणं गेलन्नाइसु वा कज्जेसु संभमे वा । उवओगं सन्नाए न वच्चेज्जा । एवं गयस्स जइ होज्ज उवस्सओ य आसण्णे तो नियत्तइ । अह दूरे ततो चेव गच्छति । एगो उग्गाहितयं धरेइ, एगो वोसिरितुं एइ । अह पविट्ठाणं ताहे संभोइयस्स पडिस्सयं वच्चति । अह संभोइया न होज्ज, पच्छा असंभोइयाणं संवेग्गाणं, ते असई पासत्थाईणं, ताहे सारूवियाणं, ताहे सिद्धपुत्ताणं, ताहे सावगाणं वेज्जस्स वा घरं गम्मइ । एएसिं असइ रायमग्गे काइयवज्जं, घरे वा काइयवज्जं । जइ उटुंति ववहारो लब्भइ । यथा -
त्रिणि (त्रयः) शल्या महाराज, अस्मिन् देहे प्रतिष्ठिताः ।
वायु-मूत्र-पुरीषाणां, प्राप्तं वेगं न धारयेत् ॥२ जेण काइयं न वोसिरियं तेणं ववहारो लब्भइ । संघाडए विणा वि णिज्जा । दुब्भिक्खे एगस्स चेव देंति । जइ चिरं पि हिंडिऊण दोण्हं पज्जत्तं लब्भति, हिंडंतु दोन्नि मा य एकल्लओ। जाहे न होज्ज ताहे एकाणिओ वि हिंडइ । अत्तलाभिओ माइट्ठाणविरहिओ हिंडेज्ज । संघाडगस्स वा असतीए एगाणिओ हिंडिज्ज अणुन्ना वा जो पियधम्मो सो एगाणिओ पेसिज्जइ । एएहिं पुण आकिन्नाइं घराई गंतव्वं । साणयाइए पढेि कुड्डे करेइ । अह कयाई अविरइया भणेज्जा, ताहे भण्णइ-एयाइं वयाइं ठवेमि । अहवा भण्णइ-किं ते मए जल्लमलपुच्चडेणं विरूवेणं दीहरोमेणं? जत्थ पडिणीओ तत्थ राडि करेइ जहा लोगो एइ । भिक्खविसोहिए एगम्मि घरे गिण्हइ, जत्थ उक्खेवनिक्खेवं पासति, महव्वयाइं नाइक्कमति, उवगरणं पि न हिंडावेज्ज। तेण पडिणीए पउरे
१. लुलुहेज्ज क, लुल्लहेज्ज ड । २. तिण्णि सल्ला महाराय ! अस्सि देहे पइट्ठिया ।
वायु-मुत्त-पुरीसाणं, पत्तं वेगं न धारए ॥ (ओघ ६२३ ।)
| SR No. | 007786 |
| Book Title | Kappasuttam Vhas Vises Chunni Sahiyam Part 01 |
| Original Sutra Author | Bhadrabahuswami, Sanghdasgani Kshamashraman |
| Author | |
| Publisher | Shubhabhilasha Trust |
| Publication Year | 2016 |
| Total Pages | 504 |
| Language | Prakrit |
| Classification | Book_Devnagari & agam_bruhatkalpa |
| File Size | 3 MB |