________________
भासगाहा-१६८०-१६९१] पढमो उद्देसो
१२१ छिन्नकालिया पुणो दुविहा-निद्दिट्ठा अनिद्दिट्ठा य । अनयोर्व्याख्या -
पुरिसज्जाओ अमुगो, पाहुडियाकारओ उ निहिट्ठो।
सेसा उ अनिद्दिट्ठा, पाहुडिया होइ नायव्वा ॥१६८६॥
"पुरिसज्जाओ अमुगो०" गाहा । कण्ठ्या । एत्थ अट्ठभंगा-छिन्नकालिया नियया निद्दिट्ठा १, छिन्नकालिया नियया अनिद्दिट्ठा २, एवं अट्ठभंगा कायव्वा' । एत्थ पढमभंगो पसत्थो । जइ मासेणं कीरइ अत्र गाथा -
काऊण मासकप्पं, वयंति जा कीरई उ मासस्स ।
सा खलु निव्वाघाया, तं वेलारेण निंताणं ॥१६८७॥
"काऊण मासकप्पं०" गाहा । कण्ठ्या । एसा निव्वाघाया । "वाघाइम" गाहा पच्छद्धं (गा० १६८४) हेट्ठा अभणितं तं भण्णइ-"वाघाइम''त्ति पढमभंगं मोत्तूण सेसा सत्त भंगा वाघाइमा । सा सुहमा पाहुडिया दुविहा-पवाया निवाया य । पवायानिवायाणं इमा विभासा -
अवरण्हे गिम्ह करणे, पवाय सा जेण नासयइ घम्मं । पुव्वण्हे जा सिसिरे, निव्वाय निवाय सा रत्तिं ॥१६८८॥
"अवरण्हें गिम्ह करणे०" गाहा । उवलेवणे कए अवरण्हे काले सा पवाया । जेण नासेइ घम्मं । रत्तिं हेमंते जा गोसे कीरइ सा दिवसेण सुक्खति । सा निवाया रत्तिं भवति । इमा वि निव्वाघायवाघाएणं ।
पुव्वण्हें अपट्ठविए, अवरहे उठ्ठिएसु य पसत्था ।
मज्झण्ह निग्गएसु य, मंडलिसुतपेहऽवाघाए ॥१६८९॥ "पुव्वण्हे अपट्ठविए०" गाहा। "मंडलिसुयपेहवाघाए''त्ति । सुत्तमंडलीए, अत्थमंडलीए, समुद्दिसणमंडलीए पडिलेहणिया कालेण य जा कीरइ सा वाघाए । एयास जयणं भणति -
तं वेलं सारविंती, पाहुडियाकारगं च पुच्छंति । मोत्तूण चरिमभंगं, जयंति एमेव सेसेसु ॥१६९०॥ "तं वेलं सारविंती०" गाहा । कण्ठ्या ।
चरिमे वि होइ जयणा, वसंति आउत्तउवहिणो निच्चं । दक्खे य वसहिपाले, ठविंति थेरा पुणित्थीसु ॥१६९१॥
१. छि० अनिय०नि०३, छि० अनिय० अनि० ४, अछि. निय० नि०५, अछि. निय० अनि० ६, अछि० अनिय० नि० ७ अछि० अनिय० अनि० ८ । २. वाघाया मुच ।
