________________
१२० विसेसचुण्णि
[मासकप्पपगयं इदाणि पच्छित्तं भण्णइ -
सव्वम्मि उ चउलया, देसम्मी बायराएँ लहुओ उ। सव्वम्मि मासियं खलु, देसे भिन्नो य सुहुमाए ॥१६८०॥
"सव्वम्मि उ०' गाहापुव्वद्धं कण्ठ्यम् । सुहुमपाहुडियाए पच्छित्ते गाहापच्छद्धं । सव्वम्मि मासलहुं, देसे भिन्नमासो । सुहुमपाहुडियाए इमं वक्खाणं -
संमज्जण आवरिसण, उवलेवण सुहम दीवए चेव ।
ओसक्कण अहिसक्कण, देसे सव्वे य नायव्वा ॥१६८१॥
"संमज्जण" गाहा । संमज्जणं आवरिसीयणं उवलेवणं सुहुमकाइयाइं दीवओ एसा पंचविहा । एक्केक्का दुविहा–ओसक्कणे[हि] हिंसक्कणेहि य। संमज्जणाईणं ओसक्कणं वा वसहीए देसे सव्वे वा करेज्ज ।
जाव न मंडलिवेला, ताव पमज्जामो होइ ओसक्का । उठेतु ताव पढिउं, उस्सक्कण एव सव्वत्थ ॥१६८२॥
"जाव न मंडलिवेला०" गाहा । कण्ठ्या । एवं सर्वत्र जाव न मंडलिवेला ताव आवरिसेमो । एवं उवलेवणं करेमो । जाव न मंडलिवेला ताव सुहमकाइएहिं अच्चणियं करेमो। एवं विभासा । सा पुण सुहुमपाहुडिया दुविहा -
छिन्नमछिन्ना काले, पुणो य नियया य अनियया चेव । निद्दिट्ठाऽनिद्दिट्टा, पाहुडिया अट्ठ भंगा उ॥१६८३॥
“छिन्नमछिन्ना०'' गाहा । दुविहा - छिन्नकालिया अछिन्नकालिया य । छिन्नकालिया नाम -
मासे पक्खे दसरायए य पणए अ एगदिवसे य ।
वाघाइमपाहुडिया, होइ पवाया निवाया य ॥१६८४॥
"मासे पक्खे०" गाहद्धं । जा मासेण वा पक्खेण वा दसराएण वा पंचरत्तेण वा एगंतरएण वा अवस्संकीरइ, अंतरा न कीरइ सा छिन्नकालिया । जस्स काले निर्देसो न कओ सा अच्छिन्नकालिया । सा दुविहा-नियया अनियया य । तत्थ नियया -
पुव्वण्हे अवरण्हे, सूरम्मि अणुग्गए व अत्थमिए । मज्झंतिए व वसही, सेसं कालं पडिकुट्ठा ॥१६८५॥ "पुव्वण्हे अवरण्हे०" गाहा । कण्ठ्या । अनियया नाम नत्थि वेलापरिग्गहो ।
