________________
१०६ विसेसचुण्णि
[मासकप्पपगयं “सतिकालद्धं०' पुव्वद्धं कण्ठ्यम् । असतिकाले पविसमाणे इमे दोसा - "ओसक्कणाइ०" गाहापच्छद्धं कण्ठ्यम् । अद्ध त्ति गयं ।
___ इदाणिं संविग्गएगट्ठाणे अणेगसाहूसु पण्णरस । संविग्गे त्ति । कयाइ तत्थ अन्ने वि संविग्गगच्छा हवेज्जा । ते पुण संभोइया वा असंभोइया वा तत्थ असंभोइयाण विही भण्णइ । अत्र पुरातनव्याख्या गाहा -
एगो व होज्ज गच्छो, दोन्नि व तिन्नि व ठवणा असंविग्गे। सोही गिलाणमाई, असई य दवाइ एमेव ॥१६१५॥
"एक्को व होज्ज गच्छो०" गाहा । एक्को व गच्छो होज्ज बिन्नि वा तिन्नि वा। अत्र विधिः -
संविग्गमणुण्णाए, अइंति अहवा कुले विरिंचंति ।
अन्नाउंछं व सहू, एमेव य संजईवग्गे ॥१६१६॥
"संविग्गमणुण्णाए०" गाहा । जइ भणंति-पविसिज्जाह तुब्भे, अम्हे अन्नायउंछमेव भोक्खामो । ताहे पविसियव्वं । अहवा मज्जायं ठावेंति-एवइएहिं कुलेहिं तुब्भे पविसिज्जह, एवइएहिं अम्हे पविसिस्सामो एवं विरिंचंति विभजन्तीत्यर्थः । अहवा जेहिं पडिलेहितं खेत्तं ते जइ समत्था निरोगावा तो अन्नाउंछं हिंडितुं भुंजंतु । एगतरे पविसंति सड्ढकुलाइं जहा अन्नसंभोइयाणं । एवं संजईवग्गे वि । एवं करेंताणं उग्गमाइया दोसा जढा भवंति । सव्वेसु पविसमाणेसु पन्नरस उग्गमाईया भवंति । सोलसमं मीसजायं अज्झोयरं च एक्कं चेव ।
एवं तु अन्नसंभोइआण संभोइआण ते चेव ।
जाणित्ता निब्बंधं, वत्थव्वेणं स उ पमाणं ॥१६१७॥
"एवं तु अन्नसंभोइआण." गाहा । एसा मेरा अन्नसंभोइयाणं । संभोइयाणं पुण एक्को चेव संघाडओ पविसति । अह निब्बंधं सड्ढा करेंति-तुज्झ वि संघाडओ पविसतु, ताहे वत्थव्वएण सद्धिं पविसियव्वं । तत्र वास्तव्या एव प्रमाणं, सो जाणइ जत्तियं घेत्तव्वं जं वा कप्पियं । ते पुण एगट्ठा चेव आवासेंति ।
असइ वसहीऍ वीसुं, रायणिए वसहि भोयणाऽऽगम्म । असहू अपरिणया वा, ताहे वीसुंऽसहू वियरे ॥१६१८॥
१. निरोगी अ ब ।
