________________
१०५
भासगाहा-१६०५-१६१४] पढमो उद्देसो
"संचइयमसंचइय०" गाहा । संचइयं घयगुलाइ खज्जगा य वा । असंचइयं खीरं दहि उल्लणकूराइ कज्जेति । पाहुणगाईणट्ठाए संतरं इति किंचि किंचि दिवसं गेण्हंति ।
अहवण सद्धाविभवे, कालं भावं च बालवुड्वाई। नाउं निरंतरगहणं, अछिन्नभावे य ठायति ॥१६१०॥
"अहवण सद्धा०" गाहा । कण्ठ्या । नवरं अच्छिन्नभावे या ठायंति त्ति, अवोच्छिन्ने चेव भावे वारेंति, जहा तेसु सद्धारे पुणो उप्पज्जति । न चेव निसट्ठाए दिन्नं । पुणो देमि त्ति । एवं दव्वं वड्डेति गीयत्था नाउं ति ।
दव्वप्पमाण गणणा, खारिय फोडिय तहेव अद्धा य । संविग्ग एगठाणे, अणेगसाहूसु पण्णरस ॥१६११॥ "दव्वपमाण०" दारगाहा । दव्वप्पमाणे वक्खाणं -
असणाइदव्वमाणे, दसपरिमिय एगभत्तमुव्वरड्।
सो एगदिणं कप्पइ, निच्चं तु अज्झोयरो इहरा ॥१६१२॥
"असणाइदव्वमाणे०" गाहा । दसण्हं भत्ते परिनिमित्ते एक्कस्स भत्तट्ठो सुद्धो । सो वि एक्कदिवसं कप्पइ । अन्नहा ते जाणंति नित्तेयजेमओ चेव, एस ताहे ते अज्झोवरयं छुब्भंति । एवं ताव परिमिते५ आहारे -
अपरिमिए आरेण वि, दसण्हमुव्वरइ एगभत्तट्ठो। वंजणसमिइमपिढेवेसणमाईसु य तहेव ॥१६१३॥
"अपरिमिए आरेण" गाहा । अपरिमिते पुण भत्ते दसण्हं एक्कस्स भत्तट्रो दिणे कप्पड़ चेव। एवं वंजणाईण वि । नवरं समियमयं ओगाहिमगपगारो पिट्रो लोटमयं वेसणं वेसणकडुच्छभंडमाइं । दव्वपमाणं गयं ।
इदाणिं गणणप्पमाणं । सत्तु ओदणा तलाहइयाओ ओगाहिमगाणि वा दोच्चंगाणि खारितं लवणितं फोडितं धूवितं । अद्धा कालस्तस्य व्याख्या -
सतिकालद्धं नाउं, कुले कुले ताहि तत्थ पविसंति । ओसक्कणाइदोसा, अलंभे बालाइहाणी वा ॥१६१४॥
१. पि य गुलाइ ब । २. नास्ति अ । ३. ते सुद्धा अ। ४. नेवय जेमओ अ ब क ड। ५. परिणमिते अ।
