________________
विसेसचुण
[ मासकप्पपगयं
"बालाई परिचत्ता० १" गाहा । कण्ठ्या । तं पुण एसणं एवं कहत ठाणं गमणाऽऽगमणं, वावारं पिंडसोहिमुल्लोगं । जाणताण वि तुज्झं, बहुवक्खेवाण कहयामो ॥१६०५ ॥ "ठाणं गमणाऽऽगमणं०" गाहापुव्वद्धं कण्ठ्यम् । "जाणताण वि० " पच्छद्धं । जाणह चेव तुब्भे जहा साहूणं दायव्वं, तुब्भे बहुवक्खेवा ततो कहयामो ।
१०४
केसिंचि अभिग्गहिया, अणभिग्गहिएसणा उ केसिंचि । मा हु अवण्णं काहिह, सव्वे वि हु ते जिणाणाए ॥१६०६॥ 'केसिंचि अभिग्गहिया० " गाहा । कण्ठ्या ।
संविग्गभावियाणं, लुद्धगदिट्टंतभावियाणं च ।
मुत्तूण खेत्तकाले, भावं च कर्हिति सुद्धुंछं ॥१६०७॥
"संविग्गभावियाणं०" गाहा । जेसिं कहिज्जइ ते दुविहा होज्ज - संविग्गभाविया वा लिंगत्थभाविया वा । लुद्धगदितो । लिंगत्थेहिं ते एवं भाविया जहा मिगेण पलाइयव्वं मा वा, लुद्धएण एवं चिंतेयव्वं-पलाओ मिगो ठामि अहं ति, तेण अणुधाएयव्वं । एवं साहूहिं नेच्छियव्वं आहाकम्माइ, तुब्भेहि सो पकारो कायव्वो जहा गेण्हंति । एवं ते भावेंति । "मोत्तूण खेत्तकाले''त्ति । खेत्ते अद्धाणे वच्चंता अकप्पियं गेण्हंति । काले दुब्भिक्खे अकप्पियमपि, भावे गिलाणं पडुच्च जा अकप्पियपडिसेवणा । एयाइं तिन्नि मोत्तूणं सुद्धं उंछं कहिज्जइ । किं च - संथरणम्मि असुद्धं, दोण्ह वि गिण्हंतदिंतयाणऽहियं । आउरदिट्टंतेणं, तं चेव हियं असंथरणे ॥१६०८ ॥
"संथरणम्मि असुद्धं ० " गाहा । कण्ठ्या । नवरं आउरदिट्टंतेणं ति-व्याधितस्यौषधं पथ्यं, निरुजस्य किमौषधैः ।
खीरं एगस्स अपत्थं, एगस्स पत्थं । उवणओ कायव्वो । अन्नं च कहेंति-अज्ज आयरियाण अभत्तट्ठो, अज्ज आयंबिलं निव्वियं ति तद्दिवसं परिहरेति । एसणदो से अभिग्गहविसेसे य (१६०२) त्ति गयं ।
संचइयमसंचइयं, नाऊण असंचयं तु गिर्हति । संचइयं पुण कज्जे, निब्बंधे चेव संतरियं ॥१६०९॥
१. बालादिचत्ता अ, बालाइपविक्खित्ता क । २. जहिं अ ।
