________________
भासगाहा-१५९४-१६०४] पढमो उद्देसो
१०३ "ओभासड़ खीराइ०" गाहापुव्वद्धं कण्ठ्यम् । “जेऽणेगविसण" गाहापच्छद्धं । जे अणेगेसु संघाडएसु पविसंतेसु चमढणाई दोसा ते चेव एगस्स वि लुद्धस्स भवंति ।
कोऊहलीए पडिबद्ध य दोसा - नडमाई पिच्छंतो, ता अच्छइ जाव फिट्टई वेला ।
सुत्तत्थे पडिबद्धो, ओसक्कऽहिसक्कमाईया ॥१६००॥ "नडमाई पेच्छंतो०" गाहा । कण्ठ्या । एयद्दोसविमुक्कं, कडजोगिं नायसीलमायारं। गुरुभत्तिमं विणीयं, वेयावच्चं तु कारिज्जा ॥१६०१॥
"एतद्दोसविमुक्कं०" गाहा । एतेहिं दोसेहिं विप्पमुक्को । कडजोगी णाम गीयत्थो । नायसीलमायारो नाम पियधम्मो जिब्भादंडविप्पमुक्को य । "आयरियभत्तिमंतो२"त्ति । भत्तीए आयरियाणं पित्तखोभे मधुरं, वाते णिद्धं, कड्याणि सिंभं उवणेइ । सेसं कण्ठ्यम् ।
साहंति य पियधम्मा, एसणदोसे अभिग्गहविसेसे । एवं तु विहिग्गहणे, दव्वं वटुंति गीयत्था ॥१६०२॥
"साहंति य पियधम्मा०" गाहासूचा । ते पियधम्मा साहंति एसणदोसे अभिग्गहविसेसे य। जहा-एरिसेण हत्थेण मत्तेण वा दायव्वं । जे य अभिग्गहविसेसा दव्वओ उक्खित्तचरगाइ, खेत्ते पेडाइ, काले तिण्हं गोयरकालाणं, भावे हसंतीए वा रोयंतीए वा, अलंकियाए वा, अणलंकियाए वा । अह न गाहेंति पच्छा जिणकप्पिया आगया । ताहे तेसिं नीणिय । जं तेसिं न कप्पइ तेहिं पडिसिद्धं । पच्छा ताई भणंति-इमे साहुणो पहाणा । इयरे न होति । गाहिया पुण जाणंति । अहवा एसणअभिग्गहेसु इमं वक्खाणं -
एसणदोसे व कए, अकए वा जइगुणे विकस्थिता ।
कहयंति असढभावा, एसणदोसे गुणे चेव ॥१६०३॥
"एसणदोसे व कए०" गाहा । एसणदोसे कए वा अकए वा । जइगुणा विकत्थिता नाम साहुगुणे पकासेंता । सेसं कण्ठ्यम् । अह न कहेंति -
बालाई परिचत्ता, अकहितेऽणेसणाइगहणं वा । न य कहपबंधदोसा, अह य गुणा साहिया होति ॥१६०४॥
१. विसुद्धस्स ड। २. गुरुभत्तिमं विणीयं इति मुच ।
