________________
भासगाहा-१६१५-१६२१] पढमो उद्देसो
१०७ "असइ वसहीए वीसुं०" गाहा। जइ अइखुड्डला वसही ताहे वीसुं वसहिं गेण्हंति । वीसुं नाम पृथक् । तत्थ जो ओमराइणिओ आयरिओ तेण राइणियस्स वसहिं गंतुं भोत्तव्वं । अह न सक्केइ गंतुं रायिणियसमीवं अपरिणया वा होज्ज। अपरिणया नाम अगीतत्था । तेसिं नत्थि कोइ उवदिसंतओ, आलोयणं वा पडिच्छंतओ ताहे वीसुं समुद्दिसति । साहू वि तरंति जइ समत्थो तो अन्नाउंछलद्धमेव समुद्दिसंति । न मात्रकपौद्गलिकमित्यर्थः । एवं ताव दोण्हं गच्छाणं।
इदाणिं तिहं गच्छाणं । एतेसि पि तहेव सामायारी । इमा हिंडावणे विही भण्णइ - तिण्हं एक्केण समं, भत्तटुं अप्पणो अवढं तु । पच्छा इयरेण समं, आगमणविरेगो सो चेव ॥१६१९॥
"तिण्हं एक्केण०" गाहा । जइ तिण्णि गच्छा ताहे वत्थव्वाण एक्कमेक्को साहू इयरेसिं साहूणा समं हिंडइ। तत्थ ते हिंडंता वत्थव्वा साहू इयरस्स पज्जत्तं घेत्तुं अप्पणो भत्तट्ठस्स अद्धं गेण्हंति । ताहे बीयस्स गच्छस्स साहूणा समं एवं चेव । “आगमणविरेगो सो च्चेव''त्ति । जइ बहुतरगा आगंतुया होज्ज तत्थ वि एसेव हिंडावणे विही । तहा गेण्हइ जहा अंतेल्लएण समं अप्पणो पज्जत्तं भवति ।
'ठवणा असंविग्गे' त्ति । जत्थ असंविग्गा बहुया पविसंति, तत्थ सडकुलेसु न पविसितव्वं । जइ पविसंति पन्नरसेहिं उग्गमदोसेहिं लग्गंति । एसा चेव सोही। अह तत्थ गिलाणो अत्थि तस्स पाउग्गं न लब्भइ तत्थ इमो विही -
अतरंतस्स उ जोगासईएँ इयरेहिँ भाविए विसिउं । अन्नमहाणसुवक्खड, जं वा सन्नी सयं भुंजे ॥१६२०॥
“अतरंतस्स उ०" गाहा । गिलाणपाउग्गे अलब्भमाणे इयरे नाम असंविग्गा तेहिं भाविएसु सडकुलेसु जम्मि महाणसे असंविग्गाणं अज्झोवरगाइसु उवक्खडति तं वज्जयित्ता अन्नम्मि महानसे जं तेर्सि अप्पणो अट्ठाए निक्केवलं तओ मग्गिजइ, जं वा सावओ भुंजंति तओ मग्गिज्जइ । एवं असइ त्ति भणितं होति । दवाइ एमेव त्ति अस्य व्याख्या-जइ गिलाणस्स पाणयं दुल्लहं होज्ज तत्थ वि इमा विही -
असतीए व दवस्स व, परिसित्तियकंजिगुलदवाईणि । अत्तट्ठियाइँ गिण्हइ, सव्वालंभे विमिस्साइं ॥१६२१॥
