________________
१०० विसेसचुण्णि
[मासकप्पपगयं "एवं सड़कुलाइं०" ["अन्नो चमढणदोसो०"] । गाहा। कण्ठ्या । एवं चमढिज्जंताई खुट्ट-थेरग-खमगादीहिं देहि घयं गुलं तेल्लं पेज्जं खीरं दहि नवणीयं तक्कं वा। गिलाणस्स वा सीसं दुक्खइ पोट्टं दुक्खइ आयरियस्स वा गेण्हामि । पच्छा ताई भणंति-तुब्भे सव्वे चेव गिलाणा, आयरियस्स वा गेण्हह, कत्तियाणं देमो, अन्ने एत्ताहे गेण्हित्ता गया। जं तेण अलब्भंतेण आयरिय-गिलाण-बाल-वुड्डा पाविहिंति तन्निप्फण्णं। जया वा गिलाणा तया मग्गिज्जंताणि वि न देंति । जहा सुसाणिया । चमढणा गया ।
दव्वक्खउ त्ति - दव्वक्खएण पंतो, इत्थि घाइज्ज कीस ते दिन्नं ।
भद्दो हठ्ठपहट्ठो, करेज्ज अन्नं पि साहूणं ॥१५८८॥
"दव्वक्खएण पंतो०" गाहापुव्वद्धं । अविरयउच्छाहो देहि कूरं ति । सा भणइसंजईयणा२ दिन्नो । पोआलियाओ वि दिन्नाओ । कुसणं पि दुद्ध-दहि-तक्क-कंजियं पि दिन्नं । ताहे पंतावेइ । ते किं जारा ते होंति तो मे घरं फोडेहि । सा कूवइ । लोगो मिलिओ। उड्डाहो । दव्वक्खओ त्ति गयं ।।
“भद्दो हट्ठपहट्ठो०" गाहापच्छद्धं । जो पुण भद्दओ सो हट्ठपहट्ठो भणति-देहि तुमं वीसत्था । मह न कज्जं हिरण्णेण वा सुवन्नेण वा३ । एवं कीयगड-अज्झोवरगमाई उग्गमदोसा करेज्जा गच्छे य निययकज्जं । आयरिय-गिलाण-पाहुणए पाहुणगा चउप्पगार एंति ।
इदाणि उग्गमो वि न य सुज्झे ।
जड्डे महिसे चारी, आसे गोणे य जे य जावसिया । एतेसिं पडिवक्खे, चत्तारि उ संजया होंति ॥१५८९॥
"जड्डे०" गाहा । “जे य जावसीय''त्ति । जे "एतेसिं पडिपक्खे''त्ति जड्डसामाणो साहू महिससामाणो, आससामाणो, गोणसामाणो त्ति ।।
जड्डो जं वा तं वा, सुकुमालं महिसओ महुरमासो। गोणो सुगंधिदव्वं, इच्छइ एमेव साहू वि ॥१५९०॥
"जड्डो जं वा तं वा०" गाहा । जड्डसामाणो साहू भणइ-मम जं च तं च आणेह, नवरं बहु ति । तस्स वि उक्कोसयं आणेयव्वं । महिससामाणस्स सुकुमालमाणेयव्वं । आससामाणस्स वि महुराई गुलखंडमाईणि । गोणसामाणस्स जं हिंगुदद्दरं चाउज्जायगवासितं वा तं आणेयव्वं ।
१. देहं अ । २. संजयाण इति भाव्यम् ? ३. नास्ति क ड ।
