________________
भासगाहा-१५८८-१५९३] पढमो उद्देसो
१०१ एयाहिं तेहिं कुलेहिं लब्भंति ताणि य अणागयं चमढियाई पच्छा पाहुणगस्स वि न देंति, तम्हा ठवेयव्वाइं । चोयगो भणइ-यद्येवं मा कोइ सड्ढघरेसु पविसउ । यद्दिवसं कज्जं होहिति तद्दिवसमेव पविस्सामो तो बहुतरं उक्कोसगं च लभिस्सामो । आयरियो भणइ -
एवं च पुणो ठविए, अप्पविसंते इमे भवे दोसा । वीसरण संजयाणं, विसुक्कगोणीइ आरामे ॥१५९१॥ "एवं च पुणो ठविए०" गाहा । गोणिदिलुतो इमो -
एक्कस्स वोद्दधिज्जाइयस्स एक्का गोणी घेणू । तस्स य संखडी आसन्ना । ताहे सो धिज्जातियाओ चिंतेइ-जइ दिणे दिणे गोणी दुहामि तो तं गोरसं अप्फरिसं च होहिति । तम्हा तद्दिवसमेव दुहीहमि । तत्तियाण दिणाणं एसा गोणी दुद्धं दाहिति । पत्ते संखडिदिवसे गोणि दुहणट्ठयाए समाणिया वि सुक्का, चुलुओ वि नत्थि अद्धस्स ।
इदाणि आरामदिटुंतो । एक्को आरामिओ चिंतेइ-इंदमहदिवसे बहुजणो पुप्फाणरे कायओ भविस्सइ । तो मा दिणे दिणे पुप्फाइं उच्चेमि । तद्दिवसं वरं बहणि पुष्पाणि होंताणि त्ति । पत्ते इंदमहदिवसे एगमवि पुष्पं नत्थि ।
एवं ते जद्दिवसं आगया, तदिवसं सड्डाण दरिसणं दाऊण पच्छा नल्लियंति, ताणि जाणंति । ते गया पच्छा वीसरिया । जया कज्जं तया अइगया । पच्छा ताणि भणंति-तुब्भे इहं चेव अच्छह । अम्हं एए चेव देसकालोवत्तो न किंचि वि गिलाणस्स जा विराहणा । जम्हा अपविसंताण वि दोसा तम्हा पविसियव्वं दिवसे दिवसे संघाडएणं । केरिसो पुण तेसु सड्ढकुलेसु निजुज्जइ ? तत्र सर्वथैव ता एवंविधो न नियोक्तव्यः ।
अलसं घसिरं सुविरं, खमगं कोहमाणमायलोहिल्लं। कोऊहल पडिबद्धं, वेयावच्चं न कारिज्जा ॥१५९२॥
"अलसं घसिरं०३" गाहा । अलसो नाम आलसिओ, घसिरो वड्डोअरो, सुविरो सुवणसीलो । सेसा कण्ठ्या । नवरं "पडिबद्धो''त्ति सुत्तत्थपडिबद्धो । एए दस वि नियुजंतस्स करेंताण वा एएसिं इमं पच्छित्तं -
तिसु लहुओ तिसु लहुया, गुरुओ गुरुया य लहुग लहुगो य ।
पेसगकरितगाणं, आणाइविराहणा चेव ॥१५९३॥
"तिसु लहुओ०" गाहा । यथासंख्येन० (मासलघु), एक ४ :: (चतुर्लघु) एक ०। (मासगुरु), एक ४ ::। (चतुर्गुरु), एक :: (चतुर्लघु) ४, ० (मासलघु) आणाइविराहणा। तत्थ
१. दुद्धस्स इति भाव्यम् ? २. पुण अ ब क ड । ३. घरिसं अ ब क ड ।
