________________
भासगाहा-१५३५-१५४७] पढमो उद्देसो
"जत्तो पाए०" गाहा । जद्दिवसं चेव खेत्तपडिलेहगा गया, तद्दिवसं चेव सेज्जायरो भन्नइ-वणसंडदिटुंतं काऊण धम्मं कहेंति । कहंतरं च जाणेत्ता भणंति -
उच्छू वोलिंति वइं, तुंबीओ जायपुत्तभंडाओ। वसहा जायत्थामा, गामा पव्वायचिक्खल्ला ॥१५३९॥ अप्पोदगा य मग्गा, वसुहा वि य पक्कमट्टिया जाया । अन्नोक्कंता पंथा, विहरणकालो सुविहियाणं ॥१५४०॥
"उच्छू वोलिंति०' ["अप्पोदगा०'"] गाहाओ कण्ठाओ । ताहे ताई भणंति–किं भगवं! गंतुकामेत्थ ? 'आम' गच्छीहामो । एगल्लया खेत्तपडिलेहगा । एवं ताण अंतरंतरा भण्णमाणाण नेहो वोच्छिज्जइ । एवं एयाए विहीए आपच्छिज्जंति । जं च दिवसं वच्चंतया तदिवसं -
आवासगकयनियमा, कल्लं गच्छामु तो उ आयरिया । सपरिजणं सागरियं, वाहेउं दिति अणुसद्धिं ॥१५४१॥ "आवस्सयकयनियमा०" गाहा । कण्ठ्या । पव्वज्ज सावओ वा, सणसड्डो जहन्नओ वसहिं । जोग्गम्मि वट्टमाणे, अमुगं वेलं गमिस्सामो ॥१५४२॥ तदुभय सुत्तं पडिलेहणा य उग्गयमणुग्गए वा वि। पडिच्छाहिगरण तेणे, नढे खग्गूड संगारो ॥१५४३॥ पडिलेहंत च्चिय वेंटियाउ काउं कुणंति सज्झायं । चरिमा उग्गाहेडं, सोच्चा मज्झण्हि वच्चंति ॥१५४४॥ तिहिकरणम्मि पसत्थे, णक्खत्ते अहिवईण अणुकूले । घेत्तूण णिति वसभा, अक्खे सउणे परिक्खंता ॥१५४५॥ वासस्स य आगमणं, अवसउणे पट्ठिया नियत्ता य । ओभावणा उ एवं, आयरिया मग्गओ तम्हा ॥१५४६॥ मइल कुचेले अब्भंगियल्लए साण खुज्ज वडभे या। एए तु अप्पसत्था, हवंति खित्ताउ णितस्स ॥१५४७॥
