________________
९२ विसेसचुण्णि
[मासकप्पपगयं एस सारो दिट्टासि कसेरुमई । जं च ते सुत्तत्थाणि गेण्हंता तं निज्जरं फिडिया, इहरहा तित्थाणुसज्जणं होतं । पव्वजाभिमुहा वा आगया पुच्छंति । ते भणंति-न याणामो । ताहे ते न पव्वयंति । जं च बोडियनिह्नवाइहिं वच्चिहिति । अन्ने वा विप्परिणामेहिति । जहा-किं तेहिं लोगबाहिरेहिं ? ति । जम्हा एए दोसा तम्हा आपुच्छियव्वं ।
सा पुच्छा दुविहा-विहिए अविहिए य -
अविहीपुच्छणे लहुओ, तेसिं मासो उ दोस आणाई । मिच्छत्त पुव्वभणियं, विराहण इमेहिँ ठाणेहिं ॥१५३५॥ "अविहीए य पुच्छणे०१" गाहा । कण्ठ्या ।
सहसा दटुं उग्गाहिएण सिज्जायरी उ रोविज्जा। सागारियस्स संका, कलहे य सएज्झिखिसणया ॥१५३६॥
“सहसा दटुं उग्गाहिएण०" गाहा । ते उग्गाहेत्ता आपुच्छंति । ताहे सेज्जायरियो भावाणुरत्ताओ दट्ठण सहसा परुण्णाओ। सागारिओ संकेज्ज । मए पविसंते न कयाइ रुयंति । ताहे संकाए वोच्छेयादओ दोसा । अहवा सइज्झिया संकेज्ज धुवं । से उब्भामया तेण रोवति । पच्छा भंडणे उग्गिणेइ।
हरियच्छेअण छप्पइअथिच्चणं किच्चणं च पुत्ताणं ।
गमणं च अमुगदिवसे, संखडिकरणं विरूवं वा ॥१५३७॥
"हरियच्छेअण." गाहा । अहवा अविहीय अमुगदिवसे वच्चामो त्ति, ताणि इहरहा छेत्तं वच्चंति । तदिवसं अच्छंति । अज्जं संजया गमिस्संति त्ति, तत्थ मइल्लाई धम्म सुणेति । चेडरूवाणि बहूओ य पुरोहडाइसु हरियच्छेयं करेंति । अहवा रिक्काओ अच्छमाणीउ छप्पइया उच्छेवेंति । एक्कमेक्कस्स कत्तंति वा, वरिसारत्तं संसत्ताणि वा पुत्ताइं धोवंति । अहवा अमुगदिवसं गमिस्सामो त्ति भणिते तद्दिवसं संखडिं करेंति, पागडं पक्खेवगं वा करेज्ज । भणंति य - न कयाइ तुब्भेहिं अम्ह भिक्खा गहिया । अगेण्हतेसु गिण्हतेसु य दोसा । विरूवकरणं नाम किच्चणं पुत्ताणं किच्चणं धोवणं वा, उक्खलकुड्डाण वा दूमणं, छन्नेयरसंखडिकरणं । सव्वत्थ सटाणपच्छित्तं । तम्हा न णिदेसियव्वं-जहा अमुगदिवसं गमिस्सामो त्ति ।
इमा विहिपुच्छणा -
जत्तो पाए खेत्तं, गया उ पडिलेहगा ततो पाए। सागारियस्स भावं, तणुइंति गुरू इमेहिं तु ॥१५३८॥
१. अविहीपुच्छणे मुच ।
