________________
भासगाहा-१५२५-१५३४] पढमो उद्देसो
"सागारि आपुच्छण०" दारगाहा । सागारिअणापुच्छण, लहुओ मासो उ होइ नायव्वो।
आणाइणो य दोसा, विराहण इमेहिँ ठाणेहिं ॥१५३२॥ "सागारिय अणापुच्छण" गाहा । कण्ठ्या। सागारिअपुच्छगमणम्मि, बाहिरा मिच्छगमण कयनासी ।
अन्नस्स वि हियनढे, तेणगसंका य जं चऽन्नं ॥१५३३॥
"सागारिअपुच्छगमणम्मि०" गाहा । अणापुच्छागएसु भणंति-को एएसिं बाहिराणं धम्मो, जे लोगजत्तं पि न याणंति । जहा -
आपुच्छिऊण गम्मइ, कुलं च सीलं च माणियं होइ। अभिजाओ त्ति य भण्णइ, सो वि जणो माणिओ होइ ॥ बाहिर त्ति गयं ।
इदाणि मिच्छत्तगमणे त्ति । जहा वाई तहा कारी न भवंति त्ति मिच्छत्तगमणं । कयनासि त्ति । अहो ! नत्थि साहु सुकयं ति । जं भणियं असत्थो समणयसत्थो त्ति तं सच्चं सत्तपइयं पि ताव मित्तं भवति । जुत्तं इमेहिं मम अणापुच्छाए गंतुं ति । कयनासि त्ति गयं ।
इदाणि अन्नस्स वि हियनटे तेणयसंक त्ति । सागारियस्स अन्नस्स वा कस्सइ हियं नटुं वा किंचि, ताहे संकेति-जहा ते साहू अणापुच्छाए गया, नूनं तेहिं नीयं ति । अहवा सागारियस्स अन्नस्स वा गोणीओ तेणगेहिं आसिया तेडियाओ, संजया य अणापुच्छाए गया। मज्झेण लग्गा। किह विसमावत्तीए? तेणा संजया य एगट्ठा जाया । तेणा कूवं आवयमाणं पासेत्ता पलाया, पच्छा इमे गहिया जं पाविहिति तं निप्फण्णं । अन्नस्स वि हियनटे तेणगसंक त्ति गयं । इदाणि जं चण्णं ति -
वसहीए वोच्छेओ, अभिधारिताण वा वि साहूणं । पव्वज्जाभिमुहाणं, तेणेहि व संकणा होज्जा ॥१५३४॥
"वसहीए वोच्छेओ०" गाहा । तेसु अणापुच्छागएसु सागारिओ भणइ-अलाहि बीयं संजयाणं वसहिं न देमो । तद्दव्ववोच्छेयं वा अन्नदव्ववोच्छेयं वा करेज्जा, जं च अद्धाणणिग्गया साहू पावेहिंति तं निप्फण्णं । अभिसंधारिता वा साहू आगया । ते भणंति-कओ गया ? ताणि भणंति-तो पुच्छिऊण वच्चइ सो नज्जइ-अमुगत्थ गओ त्ति । तेण चेव पुच्छंति । ते भणंति
१. का अ ब क ड । २. असमत्थो अ क ड । ३. कृतनाशिनः कृतघ्ना एते, एकरात्रमपि हि यस्य गेहे स्थीयते तमनापृच्छ्य गच्छता भवत्यौचित्यपरिहाणिः किं पुनरमीषामियन्ति दिनानि मम गृहे स्थित्वा युक्तं मामनापृच्छ्य गन्तुम् ? इति मलवृ ।
