________________
विसेसचुण्णि
[मासकप्पपगयं "ओभासिय धुवलंभो०" गाहा । कण्ठ्या । ते पत्त गुरुसगासं आलोएंति जहक्कम सव्वं ति गयं ।
इदाणिं चिंता विमंसा या, आयरियाणं समुप्पन्न त्ति (१५२१) एयस्स वक्खाणं - इच्छागहणं गुरुणो, कत्थ वयामो त्ति तत्थ ओअरिया। खुहिया भणंति पढम, तं चिय अणुओगतत्तिल्ला ॥१५२५॥ बिइयं सुत्तग्गाही, उभयग्गाही य तइयगं खेत्तं ।
आयरियो वि चउत्थं, सो उ पमाणं हवइ तत्थ ॥१५२६॥
"इच्छागहणं गुरुणो०" [“बिइयं०"] गाहाओ दो कण्ठाओ । एवं तेसिं इच्छंताउं आयरियो भणति
मोहब्भवो उ बलिए, दुब्बलदेहो न साहए अत्थं । तो मज्झबला साहू, दुट्ठस्से होइ दिटुंतो ॥१५२७॥ "मोहब्भवो उ बलिए०" गाहा । कण्ठ्या । पणपन्नगस्स हाणी, आरेणं जेण तेण वा धरइ ।
जइ तरुणा निरोगा, वच्चंति चउत्थगं ताहे ॥१५२८॥
"पणपन्नगस्स हाणि०" गाहा । पणपन्नं वरिसाणि जाव जेण वि तेण वि आहारेण संथरंति । तओ परेण परिहाणि त्ति । ताहे आयरियो, जइ ते सव्वे तरुणा णीरोगा वा, तओ चउत्थं खेत्तं वच्चंति ।
जइ पुण जुन्ना थेरा, रोगविमुक्का व असहुणो तरुणा। ते अणुकूलं खेत्तं, पेसिति न यावि खग्गूडे ॥१५२९॥
"जइ पुण जुन्ना०" गाहा । ताहे तेसिं गीयत्थं सहायं दाऊण पढमखेत्तं पेसेइ, भणइ यएत्तिएण कालेण एज्जह ।
एग पणगऽद्धमासं, सट्ठी सुणमणुयगोणहत्थीणं । राइदिएहिँ उ बलं, पणगं तो एक्क दो तिन्नि ॥१५३०॥
"एग पणगऽद्धमासं०" गाहा । कण्ठ्या । जे खग्गूडे ते न पेसेइ । अह सव्वे खीणा ताहे सव्वे वि वच्चंति पढमं खेत्तं । एवं तेसिं वच्चमाणाणं इमो विही -
सागारिय आपुच्छण, पाहुडिया जह य वज्जिया होइ । के वच्चंते पुरओ, उ भिक्खुणो उदाहु आयरिया ॥१५३१॥
