________________
भासगाहा-१५१६-१५२४]
पढमो उद्देसो
वच्चंति, ते सज्झायं करेंति न व त्ति? उच्यते -
वच्चंतकरण अच्छंतअकरणे लहुओं मासों गुरुओ उ। जावइकालं गुरुणो, न इंति सव्वं अकरणाए ॥१५१९॥
"वच्चंत करण" गाहा । अच्छंता सुत्तं न करेंति ० (मासलघु) अत्थे ०। (मासगुरु) वच्चंता जइ करेंति एयं चेव पच्छित्तं । जावइयं कालं न पावेंति गुरुसगासं ताव णेव सुत्तपोरुसिं णेव अत्थपोरुसिं करेंति ।
जइ वि अणंतर खेत्तं, गयाओं तह वि अगुणंतगा एंति । निययाई मा गच्छे, इतरत्थ य सिज्जवाघाओ ॥१५२०॥ "जइ वि अणंतरखेत्तं०" गाहा । कण्ठ्या । ते पत्त गुरुसगासं, आलोएंती जहक्कम सव्वे । चिंता वीमंसा या, आयरियाणं समुप्पन्ना ॥१५२१॥ "ते पत्त गुरुसगासं०" गाहा । एयाए गाहाए पुव्वद्धस्स इमं वक्खाणं -
गंतूण गुरुसमीवं', आलोएत्ता कहिंति खेत्तगुणे। न य सेसकहण मा होज्जऽसंखडं रत्ति साहंति ॥१५२२॥
"गंतूण गुरुसमीवं०" गाहा । कण्ठ्या । ताहे आयरिया रत्तिं आवस्सयं काऊणं सव्वेसु मिलितेसु पुच्छंति-अज्जो ! आलोएह केरिसाणि खेताणि ? त्ति । तत्थ गाहा -
पढमाण नत्थि पढमा, तत्थ य घयखीरकूरदधिमाई । बिइयाएँ बीय तइयाएँ, दो वि तेसिं च धुवलंभो ॥१५२३॥
"पढमाण नत्थि पढमा०" गाहा । तत्थ जे पढमा ते भणंति-अम्हं ताव पढमपोरुसी नत्थि, पढमाए चेव पोरुसीए दुद्धं दहि सालि कूरो य पकामं लब्भति । तं गिण्हित्ता दिवसं पढ़तेहिं अच्छियव्वं । बिइया भणंति-पढमपोरुसी अत्थि, बिइयाए पोरसीए उग्गाहेऊण दहिं कुरो दुद्धं णीसट्ठाए लब्भति । तइया भणंति-दो वि पोरुसीओ अत्थि । मज्झण्हे दुद्ध-दहीणि पगामाए लब्भंति । चउत्था भणंति-दो वि पोरुसीओ अस्थि ।
ओभासिय धुवलंभो, पाउग्गाणं चउत्थिए नियमा। इहरा वि जहिच्छाए, तिकाल जोगं च सव्वेसिं ॥१५२४॥
१. सगासं मुच । २. पढमाएँ मुच ।
