________________
८८
विसेसचुण्णि
[मासकप्पपगयं दिन्ना । जं ते वसहिं अलभमाणा सावय-तेण-कंटगेहिं सीएण वा परब्भमाणा पडिगमणाईणि करेज्ज तन्निप्फण्णं । गिलाणो वा वोलाविज्जंतो जं उवस्सएण विणा पावइ तन्निप्फण्णं । जम्हा एए दोसा तम्हा न वोत्तव्वं-जहा एधामो त्ति । न एहामो य लहुओ। तत्थ वि आणाइणो दोसा।
वक्कइअ विक्कएण व, फेडण धन्नाइछुभणमावासे । नीणिते अहिकरणं, विराहणा हाणि हिंडंते ॥१५१६॥
"वक्कइअ विक्कएण व०" गाहा । तेण सा वसही वक्कएण वा दिण्णा, विक्किया वा फेडिता वा धन्नस्स भंडस्स वा अन्नस्स वा उवगरणजायस्स भरिया, बडुय-चारणाण वा दिन्ना । तेसिं तमेव खेत्तं अभिरुइयं । पच्छा ते आगए सागारिओ भणइ, तुब्भेहिं भणियं-न एमो त्ति, तेण मए अन्नेसिं दिन्ना । अन्ना य वसही नत्थि । जं ते पाविहिंति तन्निप्फण्णं । अह भद्दओ वा ते बडुयाइ नीणेज्ज, तत्थ अहिगरणं । जं च ते पउट्ठा तस्स सागारियस्स तेसिं वा साहूणं करेंति तन्निप्फण्णं । वसहीए वा विणा हिंडंताणं जा विराहणा सुत्तत्थहाणी य तं निप्फण्णं । तम्हा न भाणियव्वं जहा-न एमो त्ति । किं खाई वत्तव्वं? -
जह अम्हे तह अन्ने, गुरुजे?महाजनस्स अम्हे मो। पुव्वभणिया उ दोसा, परिहरिया कुड्डमाईया ॥१५१७॥
"जह अम्हे तह०" गाहा । जहा अम्हे इहं आगया, तहा अन्ने वि चउद्दिसिं गया । गुरू जेट्ठज्जा वा तेहिं पेसिया । किं पुण अहं अईव रोचइ इमं, न नज्जई तेहिं पुण केरिसं पडिलेहियं? आयरिया जाणगा । एवं साहारणं ठवेंति । ते पुव्वभणिया दोसा परिहरिया भवंति कुडमाइया । जइ भणइ-केच्चिरेण कालेण एहिह? तत्थ जइ भणइ-एच्चिरेण कालेण एहामो, मासलहुं । कयाइ तेसिं वाघाओ होज्ज । सो चिंतेइ-नागया ते साहू, अन्नस्स देइ। आगएहिं य ते चेव दोसा । अह अग्गओ चेव एहामो त्ति तो मुसावाइया । तम्हा एवं भाणियव्वं- इमो आगमणकालो तओ परं वाघाएणं ऊणो वा अहिओ वा होज्ज त्ति । केवइ कालेणेहिह सागार ठवेंति अन्ने वित्ति गयं ।
जइ पंच तिन्नि चत्तारि, छसु सत्तसु य पंच अच्छंति । चोयगपुच्छा सज्झायकरण वच्चंत अच्छंते ॥१५१८॥
"जड़ पंच तिन्नि" गाहा । जइ ते पंच जणा तो तिन्नि अच्छंति, दुवे वच्चंति । अह च्छ तो चत्तारि अच्छंति । सत्तण्हं पंच अच्छंति । जइ पंथो निव्वाघाइओ तो तेणेव वच्चंति । अह वाघाइतो ताहे अन्नं पडिलेहेंति । चोयओ भणति-जे ते उवस्सए अच्छंति, जे य गुरुसमीवं
