________________
८७
भासगाहा-१५०६-१५१५]
पढमो उद्देसो पडिलेहियं च खेत्तं, अह य अहालंदियाण आगमणं । नत्थि उवस्सयवालो, सव्वेहि वि होइ गंतव्वं ॥१५११॥
"पडिलेहियं च खेत्तं०" गाहा । एवं एयाए विहीए खेत्तं पडिलेहियं । अह य अहालंदियाणं आगमणं । ते सुत्तत्थपोरुसीओ करेंता गच्छिल्लएहिं पेहिए खेत्ते एंति ताहे -
पुच्छिय रुइयं खेत्तं, गच्छे पडिबद्ध बाहिं पेहिति ।
जं तेसिं पाउग्गं, खेत्तविभागे य पूरिति ॥१५१२॥
"पुच्छिय रुइयं खेत्तं०" गाहा । जे गच्छपडिबद्धा अहालंदिया ते गच्छेल्लए खेत्तपडिलेहते पुच्छंति-किं अज्जो ! रुइयं खेत्तं ? 'आमं रुइयं' ति । ताहे ते अहालंदिया गच्छेल्लयखेत्तस्स सकोसजोयणस्स बाहिं पडिलेहिति, अप्पणो विहीए खेत्तविभागे य 'पूरिति'त्ति वीहीसु छसु पूरितीसु।
जं पि न वच्चंति दिसिं, तत्थ वि गच्छेल्लगा सिं पेहंति । पग्गहियएसणाए, विगईलेवाडवज्जाइं ॥१५१३॥
"जं पि न वच्चंति दिसिं०" गाहा । कण्ठ्या । ताहे अहालंदियाणं णत्थि उवस्सयपालो सव्वेहिं वि होइ गंतव्वं ति एयस्स वक्खाणं -
जइ तिन्नि सव्वगमणं एहामु त्ति लहुओ य आणाई।। परिकम्म कुड्डुकरणं, नीहरणं कट्ठमाईणं ॥१५१४॥
"जइ तिन्नि सव्वगमणं०" गाहा । जइ ते तिन्नि चेव जणा, ताहे सव्वे चेव वच्चंति सेज्जायरं आपच्छित्ता । जं हेदा भणियं-'केवड़ कालेणेहिह सागार ठवेंत अन्ने वि' त्ति (१५०१) तस्सावसरः प्राप्तः। सेज्जायरो भणइ-अज्जो ! किं एंतया न व? त्ति । जइ भणति एतया तो मासलहं, आणाए विराहणा। सो परिकम्मं करेइ वसहीय, कुडूं वा करेइ, कवाडं वा करेइ, कट्ठाणि वा णीणेइ, तणं वा धन्नं वा नीणेइ, छपइ वा । अन्नं वा खेत्तं रुइयं तेर्सि तं गया। तत्थ य अन्ने साहू आगया।
अद्धाणनिग्गया वा', असिवाइ गिलाणओ अ जो जत्थ ।
णेहामो त्ति य लहुओ, तत्थ वि आणाइणो दोसा ॥१५१५॥
"अद्धाणनिग्गया वा०" गाहा । अद्धाणपरिस्संता तत्थ साहू आगया असिवाईहिं वा कारणेहिं । तत्थ य अन्ना वसही नत्थि । सा य णेहिं मग्गिया। सो न देइ । मए अन्नेसिं संजयाणं
१. निग्गयाई मुच ।
