________________
विसेसचुण्णि
[मासकप्पपगयं रत्तपड चरग तावस, रोगिय विगला य आउरा वेज्जा । कासायवत्थ उद्धूलिया, य जत्तं न साहति ॥१५४८॥ नंदीतूरं पुण्णस्स दंसणं संखपडहसदो य । भिंगार छत्तचामरवाहणजाणा पसत्थाई ॥१५४९॥ समणं संजयं दंतं, सुमणा मोयगा दधिं । मीणं घंटं पडागं च, सिद्धमत्थं वियागरे ॥१५५०॥ सिज्जायरेऽणुसासइ, आयरिओ सेसगा चिलिमिलिं तु । काउं गिण्हंतुवहिं, सारवियपडिस्सया पुव्वि ॥१५५१॥ बालाईया उवहिं, जं वोढु तरंति तत्तियं गिण्हे। जहण्णेण अहाजायं, सेसं तरुणा विरिंचंति ॥१५५२॥ आयरिओवहि बालाइयाण गिण्हंति संघयणजुत्ता । दो सोत्ति उण्णि संथारए य गहणेक्कपासेणं ॥१५५३॥ रत्तिं न चेव कप्पइ, नीयदुवारे विराहणा दुविहा । पण्णवण बहुतर गुणा, अणिच्छ बीओ व उवही वा ॥१५५४॥
"पव्वज्ज सावओ वा०' ["तदुभय सुत्तं०" "पडिलेहंत च्चिय०" "तिहिकरणम्मि०" "वासस्स य०" "मइल कुचेले०" "रत्तपड चरग०" "नंदीतूरं पुण्णस्स०" "समणं संजयं०" “सिज्जायरेऽणुसासइ०" "बालाईया०" "आयरिओवहि०" "रतिं न चेव०"] गाहा । कण्ठ्या । एवं निग्गयाण ताण खेत्तपडिलेहगा तिहिं खंधेहिं ठायंति । तं पुरओ मज्झे मग्गओ त्ति । पच्छा ते सम-विसमउच्चार-पासवणाई थंडिल्लाणि दाएंता, उब्भामगगामेय भिक्खायरिया य पत्थवेंता, एयाए विहीए पढमं खेत्तं पत्ता । तत्थ पुरओ अइंति जत्थ णेहिं वसही पडिलेहिया, पच्छा इयरे पवेसिज्जंति । एवं तेहिं -
वच्चंतेहिं य दिट्ठो, गामो रमणिज्जभिक्खसज्झाओ । जं कालमणुन्नाओ, अणणुन्नाए भवे लहुओ ॥१५५५॥
"वच्चंतेहिं य दिट्ठो गामो०" गाहा । कण्ठ्या । नवरं जं कालमणुन्नाओ त्ति एगदिवसं अणुन्नायं, तओ परेण नाणुण्णायं, एगदिवसा परेण जं अच्छंति मासलहुँ । अहवा
