________________
भासगाहा-१४७२-१४७९] पढमो उद्देसो
७९ दिवरत्ति पच्चवाए, य जाणई सुगमदुग्गमे काले ।
भावे सपक्खपरपक्खपेल्लणा निण्हगाईया ॥१४७६॥
"दिवरत्ति पच्चवाए य०" गाहद्धं । जत्थ दिवसओ पच्चवाओ तत्थ रत्तिं, जत्थ वा रत्तिं तत्थ दिवसओ । जत्थ वा पाणजाइएहिं भूमी संसत्तिया, तं वेलं परिहरंति । भावओ-'भावे सपक्ख०" पच्छद्धं । सपक्खे पासत्थाइहिं, परपक्खे चरगचीरियाईहिं, णिण्हएहिं वा जत्थ पेल्लणा तं उ वारेति । एवं सबाल-वुड्डाउलस्स गच्छस्स बलाबलं तुलेऊणं पडिलेहेत्ता वच्चंति जाव खेत्तं पत्त त्ति । गमण त्ति गयं ।
इदाणिं चोयगपुच्छ त्ति -
सुत्तत्थाणि करेंति२, न व त्ति वच्चंतगा उ चोएइ। न करिति मा हु चोयग !, गुरूण निइआइया दोसा ॥१४७७॥
"सुत्तत्थाणि करेंति०" गाहा । चोयगो पुच्छति–ते वच्चंता सुत्तत्थाई करेंति न व त्ति? आयरियो भणइ-जइ सुत्तपोरुसिं करेंति मासलहुं । अत्थपोरुसिं करेंति मासगुरुं । जं च ते मासस्स उवरि अच्छिहिंति तन्निप्फण्णं, तम्हा न करेंति ।
इदाणि थंडिल-पडिलेह-अहालंदि त्ति दारं ।
सुत्तत्थपोरुसीओ, अपरिहवंता वयंतऽहालंदी । थंडिल्ले उवओगं, करिति रत्तिं वसंति जहिं ॥१४७८॥
"सुत्तत्थपोरुसीओ०' गाहा । अहालंदिया सुत्तत्थे अपरिहार्वेता, तेसिं भत्तं पंथो य तइयाए पोरुसीए, जत्थ य वसंति तत्थ महाथंडिलस्स उवओगं करेंति ।
सुत्तत्थे अकरिता, भिक्खं काउं अइंति अवरण्हे। बीयदिणे सज्झाओ, पोरिसि अद्धाए संघाडो ॥१४७९॥
"सुत्तत्थे अकरेंता०" गाहा । एवं ते गच्छवासी सुत्तत्थे अकरेंता एयाए विहीए खेत्तं पत्ता – भिक्खं अन्नगामे काऊण अवरण्हे वियारथंडिले पडिलेहित्ता पविसंति । वसहिं गिण्हिऊण आवस्सगं काउं कालं पडिलेहेत्ता सज्झायं करेंति । दो जामे सुयंति । जे न सुयंति ते अद्धरत्तिय-वेरत्तियाणि वि करेंति । पाहाउयं कालं गेण्हित्ता बीयदिणे अद्धपोरिसिं जाव सज्झायं करेंति ।
१. दियराऔं मुच । २. करिते मुच । ३. पडिलेहिया अ ब क ड ।
