________________
भासगाहा-१४६३-१४७१] पढमो उद्देसो
৩৩ "हीरिज्ज व०" गाहा । चोरेहिं वा हीरिज्ज, रमति वा चेडरूवेहिं सद्धिं चिरेण वा पावई । कज्जाकज्जं च न याणइ । अनुकंपिज्जई य जणेणं । अहवा खुडगस्स न देंति, भत्तपाणं ति । वुड्ढे दोसा -
वुड्डोऽणुकंपणिज्जो, चिरेण न य मग्ग थंडिले पेहे। अहवा वि बालवुड्डा, असमत्था गोयरतियस्स ॥१४६८॥
"वुडोऽणुकंपणिज्जो०" गाहा । सो वि अणुकंपणिज्जो न य समत्थो चं[क] मितुं ततो चिरेण एति । थंडिल्लवसहि पंथे य न सक्केइ पडिलेहितुं । अहवा वि बालवुड्डा असमत्था गोयरतिगस्स । जोगवाहिम्मि दोसा --
तूरंतो व न पेहे, गुणणालोभेण न य चिरं हिंडे । विगइं पडिसेहेई, तम्हा जोगिं न पेसिज्जा ॥१४६९॥
"तूरंतो व न पेहे०" गाहा । सो गओ सिग्घं एइ । पढियव्वयं से अंतरा किंचि न पडिलेहेइ । अहवा तत्थ गओ एगं दिवसं हिंडिओ फव्विओ आगंतूण भणति–'नत्थि एरिसो गामो' त्ति । अहवा विगईओ पडिसेहेति 'न कप्पए अम्हं' । अगीयत्थे दोसा -
पंथं च मास वासं, उवस्सयं एच्चिरेण कालेण ।
एहामो त्ति न याणइ, अगीतो पडिलोम असतीए ॥१४७०॥
"पंथं च मास वासं०" गाहा । अगीतत्थो पंथपडिलेहणविहिं, खेत्तस्स य विधिं न याणइ । उवस्सगस्स य चउव्विधं दव्वाइ-अणुण्णवणं न याणति । दव्वतो तणडगलाई, खेत्तओ पायनिल्लेवणाई, कालओ 'केच्चिरं अच्छिहिह ?' 'केवचिरेण वा एहिह ?' 'केत्तिया वा तुब्भे?' एवं भणिए पच्चुत्तरं दाउं न याणइ । भावओ गिलाणपाओग्गं, केरिसे वा ठाणे उवस्सओ घेत्तव्वो, त्ति न याणति । अहवा दगुण महल्लं खेत्तं नियत्तिज्जा 'एदहे गामे अवस्स भिक्खा भविस्सइ' त्ति । जम्हा एए दोसा तम्हा गणावच्छेइयगमणं । तस्स व असईय पडिलोमं गणावच्छेइयस्सेव एयं धम्मं । तस्सासइ अन्नो जो गीतत्थो, तस्सासइ -
सामायारिअगीए३, जोगिमणागाढ खमग पारावे ।
वेयावच्चे दायण, जुयल समत्थं व सहियं वा ॥१४७१॥
"सामायारिअगीए०" गाहा । अगीतत्थस्स ओहनिज्जुत्तिं कहेत्ता' पट्टविज्जति । तस्सासइ अणागाढजोगवाहिस्स जोगो निक्खिप्पइ ताहे पट्टविज्जइ । तस्सासइ खमओ वि
१. चिरहिं ण वा पावइ अ । २. पाणे अ ब । ३. सामायारिमगीए मुच । ४. अगीए तत्थ क ड। ५. कहेत्ता विज्जइ ब ।
