________________
७६
विसेसचुण्णि
[मासकप्पपगयं कइरी दिसा पसत्था, अमुगी सव्वेसि अणुमए गमणं ।
चउदिसि ति दु एक्कं वा, सत्तग पणगे तिग जहन्ने ॥१४६३॥
"कइरी दिसा पसत्था०" गाहा । ते पुच्छिया साहति गुणदोसे। जं निद्दोसं तत्थ पयट्टिज्जंति । जइ पहुप्पंति तो चउद्दिसि पि । अह न पहुप्पंति तो तिदिसिं एग- दिसिं वा । उक्कोसेण सत्त पेसिज्जंति । अह नत्थि तो पंच, जहन्नेणं तिन्नि । जे आभिग्गहिया ते पयट्टिजंति । अह नत्थि आभिग्गहिया, ताहे वावारिज्जंति । इमे य न वावारेइ -
वेयावच्चगरं बाल वुड्ड खमयं वहंतऽगीयत्थं । गणवच्छेइअगमणं, तस्स व असती य पडिलोमं ॥१४६४॥
"वेयावच्चकरं०" गाहा । वेयावच्चकरो नाम जो आयरियस्स अन्नस्स वा गिलाणादिवेयावच्चं करेइ, बाल-वुड-खमगा प्रतीता । वहंत इति जोगवाहिं अगीतत्थ इति असत्तत्थो । गाहापच्छद्धं उवरि भन्निहिति । एते पत्थवेंतस्स इमं पच्छित्तं -
आदितिए चउगुरुगा, लहुओ मासो उ होइ चरिमतिगे। आणाइणो विराहण, आयरियाई मुणेयव्वा ॥१४६५॥
"आदितिए चउगुरुगा" गाहा । वेयावच्चकर-बाल-वुड्ड एतेहिं तिहिं चउगुरुगा, सेसेहिं मासलहुँ। अणाभोगवतो अतिक्कंतो चउगुरुं, अणवत्थाए चउलहुं, मिच्छत्ते चउलहुँ । विराहणा इमा-जइ वेयावच्चकर पेसेइ तो इमे दोसा -
ठवणकले व न साहड, सिट्रा व न दिति जा विराहणया। परितावणमणुकंपण, तिण्हऽसमत्थो भवे खमओ ॥१४६६॥
"ठवणकुले व न साहइ०" गाहा । सो जाणइ आयरियाईण जाइं कुलाई देंति, सो य कसाएहिं ताई न साहइ । अहवा ताई तस्स चेव देंति न अन्नस्स । ताहे आयरियाई अलब्भंतेण पाउग्गेण जं पावंति तं निप्फण्णं । अंतपंताणि य आहारेंतो पडिलग्गो ताहे सुत्तत्थाणं परिहाणी गच्छस्स । अह खमगं पेसेइ जं सो परिताविज्जइ । 'अनुकंपण'त्ति । देवता अणुकंपंती भत्त-पाणं से उप्पाएइ । लोगो वा से खमगो त्ति काउं देइ । सलद्धिगा वा खमगा खमणकिलंतो य तिण्हं भिक्खायरियाणं असमत्थो । बाले दोसा -
हीरिज्ज व खेलेज्ज व, कज्जाऽकज्जं न जाणई बालो। सो व अणुकंपणिज्जो, न दिति वा किंचि बालस्स ॥१४६७॥
१. नास्ति अ । २. नास्ति ब । ३. हीरेज्ज मुच ।
