________________
भासगाहा-१४५४-१४६२] पढमो उद्देसो
७५ सव्वेसिं नामं गहाय जे निग्गया ते वि सद्दावेइ - एह खमासमणा वाहरंति त्ति, ताहे चेव वयणसमं एंति, जो न एति तस्स मासलहुं, जं ते पच्चंताईहिं पाविहिंति तन्निप्फन्नं । जो वि आगओ संतो दोसगुणे न कहेति, सो वि आवज्जइ मासलहुं । ताहे आयरियो भणइ-अज्जो ! सव्वे आगया? ते भणंति - आमं ति । ताहे सव्वेसिं नामं घेत्तूण भणंति-अज्जो ! इम्हं इमो मासकप्पो पुण्णो । इदाणि अन्नं मासकप्पपाउग्गं खेत्तं पडिलेहेह।
सीसे जइ आमंते, पडिच्छगा तेण बाहिरं भावं ।
जइ इअरे तो सीसा, ते वि समत्तम्मि गच्छंति ॥१४५८॥
"सीसे जइ आमंतेइ०" गाहा । तत्थ जइ सीसे आमंतेति पाडिच्छए नवि, तो मासलहुं, आणादिदोसा । तेसिं बाहिरभावो उप्पज्जति । अह पाडिच्छए आमंतेति ताहे सीसा भणंति-अम्हे न गणेइ । जहागया होहिंति ताहे जाणिहिति । पडिच्छगा वि सुयगहणाणंतरं गच्छंति ।
तरुणा बाहिरभावं, न य पडिलेहोवहिं न किइकम्मं । मूलगपत्तसरिसगा, परिभूया वच्चिमो थेरा ॥१४५९॥
"तरुणा बाहिरभावं०" गाहा । अह थेरे आपुच्छति, ताहे तरुणा बाहिरभावं गच्छंति । "अम्हे पडिलेहाविज्जामो, उवहिं वहावेज्जामो, भत्तं पाणं च थेराणं आणेमो । एत्ताहे थेरा करेंतु" त्ति नासंति । अह तरुणे आमंतेइ ताहे थेरा भणंति-"मूलगपत्तसरिसगा०" पच्छद्धं ।
जुन्नमएहिँ विहूणं, जं जूहं होइ सुटु वि महलं। तं तरुणरहसपोइअ, मयगुम्मइअं सुहं हंतुं ॥१४६०॥
"जुन्नमएहिँ०" गाहा । तरुणत्तेण रभसो तरुणरभसो, [रभसो] नाम चापल्यमस्थिरता चेत्यर्थः । पोइता = त्रासिता गोमयिता, फड्डाफढेि सुहं मारिजंति । जम्हा एए दोसा तम्हा आयरिएणं सव्वो गणो आमंतेयव्वो ।
आयरियअवाहरणे, मासो वाहित्तऽणागमे लहुओ। वाहित्ताण य पुच्छा, जाणगसिढे तओ गमणं ॥१४६१॥ केई भणंति पुट्वि, पडिलेहिय एवमेव गंतव्वं । तं तु न जुज्जइ वसहीफेडण आगंतु पडिणीए ॥१४६२॥
"आयरियअवाहरणे" ["केई भणंति०"] गाहा । आयरियो गणं नामंतेइ तरुणथेर-सीस-पडिच्छगाणं वा जं नामंतेइ, ते वा आमंतिता न एंति सव्वत्थ मासलहं पच्छित्तं । का विही आमंतणे?
१. जाहिति ब ।
