________________
भासगाहा-१४२६-१४३४]
पढमो उद्देसो खेत्ते काल चरित्ते, तित्थे परियाय आगमे वेए। कप्पे लिंगे लेसा, झाणे गणणा अभिग्गहा य ॥१४२९॥ पव्वावण मुंडावण, मणसाऽऽवन्ने वि से अनुग्घाया।
कारण निप्पडिकम्मा, भत्तं पंथो य तइयाए ॥१४३०॥
"खेत्त काल चरित्ते०" ["पव्वावण०"] गाहाद्वयम् । एयाणि दाराणि जहा जिणकप्पियाणं तहा भाणियव्वाणि । णाणत्तं खेत्ते कप्पे लिंगे पुरिसगणणाए । एएसिं दाराणं इमं वक्खाणं -
खेत्ते भरहेरवएसु होति साहारणवज्जिया नियमा। ठियकप्पम्मि उ नियमा, एमेव य दुविहलिंगे वि ॥१४३१॥
"खेत्ते भरहेरवएसु०" गाहा । कण्ठ्या । नियमा सलिंगे दव्वलिंगे य भावलिंगे य । चरिते इमं वक्खाणं - २म वक्खाण -
सट्ठाणे पडिवत्ति, अन्नेसु वि होज्ज पुव्वपडिवन्नो ।
अन्नेसु वि वÉतो, तीयनयं वुच्चई पप्प ॥१४३२॥
“सट्ठाणे पडिवत्ति०" गाहा । सुद्धपरिहारियो तप्पढमयाए पडिवज्जमाणो अप्पनिज्जएसु संजमठाणेसु पडिवज्जइ, पुव्वपडिवन्नओ पुण सामाइयछेओवट्ठावणियसंजमठाणेसु वि होज्ज । कहं पुण ? अत इदमुच्यते -
तुल्ल जहन्ना ठाणा, संजमठाणाण पढमबितियाणं । तत्तो असंख लोए, गंतुं परिहारियट्ठाणा ॥१४३३॥
"तुल्ल जहन्ना ठाणा०" गाहा । सामाइयसंजयस्स छेओवट्ठावणियसंजयस्स य दोण्ह वि जहन्नया संजमठाणा तुल्ला । तओ लोगप्पमाणा असंखेज्जा संजमठाणा गंता सुद्धपरिहारियस्स संजमट्ठाणपडिवत्ती भवइ । एवं सट्ठाणे पडिवत्ती सुद्धपरिहारियस्स ।
ते वि असंखा लोगा, अविरुद्धा ते वि पढमबिइयाणं । उवरिं पि ततो असंखा, संजमठाणा उ दोण्हं पि ॥१४३४॥
१. खेत अ ब क ड इ । २. मलयगिरिवृत्तौ गाथाव्युत्क्रमो दृश्यते तुल्ल० (१४३२), ते वि असंखा (१४३३), सट्ठाणे पडिवत्ती (१४३४) ।
