________________
६८
विसेसचुण्णि
[मासकप्पपगयं परिहारकप्पं परिणओ, ते तप्पढमयाए पडिवज्जंता तित्थगरसगासे पडिवज्जंति । न उट्ठावियट्ठावया अचिरुग्गए आइच्चे पडिवज्जति । तेसिं इमं जिणकप्पिएहिंतो नाणत्तं, 'पडिवज्जइ गच्छ गच्छो य' गच्छद्वयमित्यर्थः । चशब्दात् तृतीयो गच्छ: । जहण्णेणं तिन्नि गच्छा । उक्कोसेण स्सयपुहत्तं१ सयग्गसो वा एकार्थमेव । एक्के क्को नवओ गच्छो, परिसप्पमाणेणं सत्तावीसं जहन्नेणं, उक्कोसेण सयग्गसो ।
तवभावणणाणत्तं, करंति आयंबिलेण परिकम्मं । इत्तरिय थेरकप्पे, जिणकप्पे आवकहियाओ ॥१४२६॥
"तवभावणणाणत्तं०" गाहा । अस्य पूर्वार्द्धं कण्ठ्यम् । पश्चार्द्धस्य इयं व्याख्या-ते सुद्धपरिहारिया दुविधा जिणकप्पिया य थेरकप्पिया य । जे जिणकप्पाओ सुद्धपरिहारियत्तं पडिवज्जति ते जिणकप्पिया । ते पुण नियमा जावज्जीवं तं परिहारकप्पं पालेंति । एए आवकहिय त्ति भणियं होइ । जे थेरकप्पाओ सुद्धपरिहारियं पडिवज्जंति ते थेरकप्पिया भन्नति । ते पुण इत्तिरिया।
पुण्णे जिनकप्पं वा, अइंति तं चेव वा पुणो कप्पं । गच्छं वा इंति पुणो, तिन्नि विहाणा सिं अविरुद्धा ॥१४२८॥
"पुण्णे जिणकप्पं वा०" गाहा । ते अट्ठारसमासे परिहारकप्पं चरेत्ता थेरकप्पं वा पडिवज्जति जिणकप्पं वा पडिवज्जति । सुद्धपरिहारकप्पं वा पुणो अणुपालेंति अट्ठारसमासियं । तम्मि पुन्ने पुणो एसेव विही । तेसिं जे थेरकप्पाओ आगया ते एवं करेंति -
इत्तरियाणुवसग्गा, आतंका वेयणा य न भवंति ।
आवकहियाण भइया, तहेव छ ग्गामभागा उ॥१४२८॥
"इत्तिरियाणुवसग्गा०" गाहा । कण्ठ्या । छव्वीहीओ जहा जिणकप्पियाणं तहा एतेसिं पि, सामायारी दसविहा वि । चत्तारि परिहारिया, चत्तारि अणुपरिहारिया, एक्को कप्पट्ठिओ, अणुपरिहारियकप्पट्ठियाणं एक्को संभोगो । परिहारियाणं पत्तेगं पत्तेगं संभोगोरे । परिहारिया आयंबिलं बारसमेणं पारेंति । इयरे दिणे दिणे आयंबिलेणं पारेंति । एयं नाणत्तं । सुयसंघयणुस्सग्गाईया दारा जहा जिणकप्पियाणं सुद्धपरिहारियाण य सट्ठाणे छट्ठद्देसे वित्थरेणं वन्निहिइ । (गा०६४८२-८६)
१. पहुत्तो अ पहुत्तं ब । २. एगार्थ एव ब। ३. संवेगो अ।
