________________
भासगाहा-१४१७-१४२५] पढमो उद्देसो
“न करेति आगमं०" गाहा । वेए पडिवज्जमाणयं पडुच्च नियमा सवेओ नो अवेओ । जति सवेओ पुरिसवेओ वा पुरिसनपुंसगवेओ वा, नो इत्थिवेओ । पच्छद्धं कंठं ।
इदाणिं कप्प-लिंग-लेस्सा तिन्नि दारा एगट्ठा वक्खाणेइ - ठियमट्ठियम्मि कप्पे, लिंगे भयणा उ दव्वलिंगेणं । तिहि सुद्धाहि पढमया, अपढमया होज्ज सव्वासु ॥१४२१॥
"ठियमट्ठियम्मि०" गाहा । कण्ठ्या । पडिवज्जमाणयं पडुच्च दव्वलिंगेण य भावलिंगेण य पडिवज्जति । पुव्वपडिवन्नओ नियमा भावलिंगे, दव्वलिंगे भयणा ।
इदाणि झाणे गणणे' य दो वि दारा एगढे पवक्खाणेइ -
धम्मेण उ पडिवज्जइ, इअरेसु वि होज्ज इत्थ झाणेसु । पडिवत्ति सयपहुत्तं, सहसपुहुत्तं च पडिवन्ने ॥१४२२॥ "धम्मेण उ पडिवज्जइ०" गाहा । कण्ठ्या । इदाणिं अभिग्गहा पव्वावणा य दो वि दारा एगट्ठा वक्खाणेइ२ - भिक्खायरियाईया, अभिग्गहा नेव सो उ पव्वावे । उवदेसं पुण कुणती, धुवपव्वाविं वियाणित्ता ॥१४२३॥
"भिक्खायरिया०" गाहा । कण्ठ्या३ । भिक्खायरियाए अभिग्गहा गंतुंपच्चागयाईया दव्वजुत्ताई ता य नत्थि ।
इदाणिं कारणनिप्पडिकम्म त्ति दारं - निप्पडिकम्मसरीरा, न कारणं अत्थि किंचि नाणाई। जंघाबलम्मि खीणे, अविहरमाणो वि नाऽऽवज्जे ॥१४२४॥
“निप्पडिकम्म०" गाहा । कण्ठ्या । कारणं नाम अववाओ । जिणकप्पियविहारो समत्तो त्ति ।
इदाणिं सुद्धपरिहारकप्पो । एत्थ गाहा -
एसेव कमो नियमा, सुद्धे परिहारिए अहालंदे। नाणत्ती य जिणेहिं, पडिवज्जइ गच्छ गच्छो य ॥१४२५॥ "एसेव०" गाहा । एसेव त्ति पव्वज्जा, सिक्खापदादिकाउं तहेव सव्वं जाव
१. गणेण एय अ, गणेणा एय ब । २. धम्मेण....वक्खाणेति इत्यन्तः पाठ नास्ति अ। ३. भिक्खा....कण्ठ्या इत्यन्तः पाठः नास्ति अ ।
