________________
६६
विसेसचुण्णि
[मासकप्पपगयं ___ "ओसप्पिणी दोसुं०" गाहा । जम्मणओ तइयचउत्थेसु संतिभावेणं । 'तइयचउत्थ पंचमेसु कालेसु' पच्छद्धं । उस्सप्पिणि जम्मणओ, तिसु दुस्समाईसु तिसु जाओ संतिभावेणं । दोसु दुस्समाए जाओ, तेहिं न पव्वयइ । तइयचउत्थेसु कालेसु पव्वयति ।
नोसप्पिणिउस्सप्पे, भवंति पलिभागतो चउत्थम्मि ।
काले पलिभागेसु य, साहरणे होंति सव्वेसु ॥१४१७॥
"नोओसप्पिणि." गाहा । जइ नोउसप्पिणिओसप्पिणिकाले होज्ज किं सुसुमसुसुमापलिभागे होज्ज, सुसुमापलिभागे होज्ज, सुसुमदुसुमापलिभागे होज्ज दुसमसुसमापलिभागे होज्ज? उच्यते, जम्मणसंतिभावा पडुच्च आइल्ला तिण्णि पडिसेहेत्ता चउत्थे पलिभागे होज्ज', साहरणं पडुच्च अन्नतरे पलिभागे होज्जा । पलिभाग इति चत्तारि पलिभागा। देवकुरु-उत्तरकुरु, हरिवस्स-रम्मयवस्सा, हेमवय-एरन्नवया, महाविदेहं । पलिभागो त्ति वा अणुभागु त्ति वा एगटुं। काल इति । जो महाविदेहेच्चओ जिणकप्पिओ सो साहरणं पडुच्च छसु वि कालेसु होज्ज ।
इदाणि चरित्त त्ति दारं । अस्य व्याख्या - पढमे वा बीये वा, पडिवज्जइ संजमम्मि जिणकप्पं । पुव्वपडिवन्नओ पुण, अन्नयरे संजमे होज्जा ॥१४१८॥
"पढमे वा बीये वा०" गाहा । कण्ठ्या । सामाइय-च्छेओवट्ठावणियपरिहारविसुद्धिय-सुहुमसंपराग-अहक्खायचरित्तं पुव्वपडिवन्नओ एएसिं अन्नतरो ।
तित्थमिदाणि । तत्थ गाहा - नियमा होइ सतित्थे, गिहिपरियाए जहन्न गुणतीसा।
जइपरियाए वीसा, दोसु वि उक्कोस देसूणा ॥१४१९॥
"नियमा होइ सतित्थे०" गाहा । पडिवज्जमाणओ वि पुव्वपडिवण्णओ वि सतित्थे, नो अतित्थे । परियाओ दुविहो-गिहत्थपरियाओ पव्वज्जापरियाओ य । “दोसु वि" त्ति गिहत्थपरियाए य जइपरियाए य । दोण्ह वि उक्कोसयं देसणा पव्वकोडी । आगमं वेयो य दो वि एगढे वक्खाणेइ -
न करेति आगमं ते, इत्थीवज्जो उ वेदों इक्कतरो ।
पुव्वपडिवन्नओ पुण, होज्ज सवेओ अवेओ वा ॥१४२०॥ १. दुसमा सुसमा....होज्ज इत्यन्तः पाठः नास्ति ब । २. करिति मुच ।
